ء“ازوۆستالدى” قورعاۋدا تۇتقىنعا تۇسكەن اسكەري قىزمەتكەرلەر ۋكرايناعا ورالدى، دەپ حابارلايدى “ادىرنا”.
ۋكراينا پرەزيدەنتى ۆلاديمير زەلەنسكي تەلەگرام-پاراقشاسىندا رەسەي ءماريۋپولدى باسىپ العاندا تۇتقىنعا تۇسۋگە ءماجبۇر بولعان بەس اسكەري قىزمەتكەردىڭ ۋكرايناعا ورالعانى تۋرالى مالىمدەمە جاسادى. ولاردى اۋەجايدان كۇتىپ الىپ، بىرگە تۇسكەن فوتو-ۆيدەوسىن دا جاريالاعان. ء“بىز باتىرلارىمىزدى ەلگە قايتارىپ جاتىرمىز” دەگەن ول.
الايدا رەسەي پرەزيدەنتىنىڭ ءباسپاسوز حاتشىسى دميتري پەسكوۆ كومانديرلەردىڭ ەلگە ورالۋىنا قاتىستى پىكىر ءبىلدىردى. ول ازوۆستالدان ۋكرايناعا ورالعانداردىڭ ارەكەتىن ماسكەۋ، كيەۆ جانە انكارا اراسىنداعى «كەلىسىمنىڭ بۇزىلۋى» دەپ اتادى.
حاتشىنىڭ سوزىنشە، «ازوۆستال» كومانديرلەرىنىڭ ۋكرايناعا ورالعانى تۋرالى رەسەيلىك تاراپقا ەشتەڭە حابارلانباعان. ناتيجەسىندە ەكى تاراپ تا شارتتى بۇزعانى ايتىلدى:
«قايتارۋ شارتتارىن تۇرىك تاراپى دا، كيەۆ تە بۇزدى. كەلىسىمدەرگە سايكەس، ازوۆ جەتەكشىلەرى قاقتىعىس اياقتالعانشا تۇركيادا قالۋى كەرەك ەدى »، - دەدى پەسكوۆ ريا نوۆوستي اگەنتتىگىنە بەرگەن سۇحباتىندا.
سونداي-اق، سەنبى كۇنى ۋكراينا باسشىسى ۆلاديمير زەلەنسكي ءوزىنىڭ Telegram-ارناسىندا ءازوۆستالدى قورعاعان اسكەريلەرمەن بىرگە تۇركيادان ورالاتىنى تۋرالى جازعان ەدى.
سوعىس سوڭىنا دەيىن تۇتقىنداعى ازاماتتار تۇركيادا قاۋىپسىز جەردە بولۋى ءتيىس ەدى. الايدا مەملەكەت باسشىلارىنىڭ ءوزارا كەلىسىمىمەن مەرزىمنەن بۇرىن “ازوۆ” كومانديرلەرىن ەلگە قايتارۋ مۇمكىن بولعان.
