احمەداباد–لوندون Gatwick باعىتىنداعى ۆoeing 787‑8 ۇشاعى اپاتقا ۇشىرادى، دەپ حابارلايدى “ادىرنا” ۇلتتىق پورتالى.
12 ماۋسىمدا Air India رەيسى AI171 Dreamliner ۇشاعى ساردار ۆاللابحاي پاتەل اۋەجايىنان بىرنەشە مينۋت ىشىندە Meghaninagar ماڭىندا قۇلاۋىنان قازا تاپقاندار مەن زارداپ شەككەندەر سانى ءالى ناقتىلانباعان.
ۇشۋ ۋاقىتى شامامەن 13:38 بولعان. ۇشاقتا 242 ادام وتىردى. ونىڭ ىشىندە 230 جولاۋشى جانە 12 ەكيپاج مۇشەسى بار. الايدا كەي باق بەتتەرىندە جولاۋشىلار سانى 290 ادام دەپ كورسەتىلەن.
اپاتقا ۇشىراعان Boeing 787‑8 Dreamliner ۇشاعى ەڭ العاش رەت 2013 جىلى ۇشقان.
قازىر وقيعا ورنىنا 7 ءورت ءسوندىرۋ ءبولىمى، بىرنەشە جەدەل جاردەم جەتكەن. قورشالعان ايماققا «جاسىل ءدالىز» ۇيىمداستىرىلىپ، زارداپ شەككەندەردى اۋرۋحاناعا جەتكىزۋ ۇيىمداستىرۋدا.
ءۇندىستاننىڭ ىشكى ىستەر ءمينيسترى اميت شا، ازاماتتىق اۆياتسيا ءمينيسترى Ram Mohan Naidu وقيعا ورنىندا جانە ۇكىمەتتىك دەپارتامەنتتەر ۇشاق قۇلاعان جەردە ءجۇر.
ءۇندىستاننىڭ ازاماتتىق اۆياتسيا باسقارماسى (DGCA) جانە Boeing كومپانياسى اپات سەبەبىن انىقتاۋعا كىرىستى.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز