ديماش قۇدايبەرگەن الەمدىك جۇلدىزدارمەن بىرگە «My Way» كومپوزيتسياسىن ورىندادى

876
Adyrna.kz Telegram
https://adyrna.kz/content/uploads/2025/06/ac93fcf5-d4a4-4bd7-b6f7-51c0fd380982-960x500.jpeg?token=3917630b8d90ddd4dd2e61038ab9fd49

6 ماۋسىمدا قايتالانباس ەرەكشە كۆارتەتتىڭ پرەمەراسى ءوتتى. «Virtuosos» جاس اسپاپشىلاردىڭ 10-مەرەيتويلىق بايقاۋىنىڭ ەكىنشى فينالىندا قازىلار القاسىنىڭ مۇشەلەرى حوسە كاررەراس، پلاسيدو دومينگو، حاۋزەر جانە ديماش قۇدايبەرگەن «My Way» اتتى اڭىزعا اينالعان كومپوزيتسيانى ورىندادى، دەپ حابارلايدى “ادىرنا” ۇلتتىق پورتالى Dimashnews سايتىنا سىلتەپ.

اقپاراتقا سايكەس،  تەنوردىڭ اسەم دە تەرەڭ داۋىستارى مەن ۆيولونچەلدىڭ اۋەنى ساحنادا ءومىردىڭ تەرەڭ كارتيناسىن ۇسىندى.

الەمدىك حيتكە اينالعان بۇل ءاندى 1968 جىلى 53 جاسىندا فرەنك سيناترا جازعان ەدى. ال 1994 جىلى (ديماشتىڭ تۋعان جىلىندا) ءۇش ۇلى تەنور – دومينگو، كاررەراس جانە پاۆاروتتي فرەنك سيناترانىڭ 79 جاسقا تولۋىنا سىيلىق رەتىندە ايگىلى «The Three Tenors in Concert» كونتسەرتىندە «My Way» كومپوزيتسياسىن ورىنداعان بولاتىن.

ونداعان جىلدار وتكەن سوڭ، «Virtuosos» جوباسىنىڭ ساحناسىندا ءدال وسى ءاندى قازىلار القاسىنىڭ مۇشەلەرى – ماەسترو كاررەراس پەن ماەسترو دومينگو ۇسىنىپ، شىعارماشىلىق ءومىردىڭ شەكسىز الەم ەكەنىن كورسەتتى. ولارمەن بىرگە كۆارتەتتىڭ قۇرامىنا جاس بولسا دا الەمگە تانىمال مۋزىكانتتار – ديماش پەن حاۋزەر قوسىلدى. ولار ۇلى مۋزىكانتتاردىڭ تۋىندىسىن جاس ۇرپاققا جەتكىزۋ ماقساتىندا مۋزىكانتتاردىڭ باعا جەتپەس تاجىريبەسىن ريزاشىلىقپەن قابىلدادى.

«ماەسترو دومينگومەن، سونداي-اق ماەسترو حوسە كاررەراسپەن بىرگە جۇمىس ىستەۋ مەنىڭ ارمانىم بولاتىن.

ەگەر سىزدەر ءبىزدىڭ ءباسپاسوز كونفەرەنتسيامىزدى قاراعان بولساڭىزدار، وندا مەن فانات رەتىندە، جاس جانكۇيەر رەتىندە ءسوز سويلەگەن بولاتىنمىن. ويتكەنى ولاردىڭ الدىندا شەشىم قابىلداۋ وڭاي ەمەس.

ال ولار ءۇشىن، ماەسترولار ءۇشىن مەن دە جاس ۇرپاقتىڭ وكىلىمىن. سوندىقتان سول كەزدە مەن قاتتى قوبالجىپ، بىراق سوعان قاراماستان كەرەمەت شابىت الدىم. ولار ءالى دە ەڭبەكتەنىپ، ءالى دە كەرەمەت ءان ايتادى. مەن ولاردىڭ قويىلىمدارىن اسىعا كۇتەمىن. 20 جىلدان كەيىن، مۇمكىن 30 جىلدان كەيىن – قۇداي ولاردى قولداپ، ۇزاق ءومىر بەرسىن!

ماەسترو دومينگومەن العاش كەزدەسكەن ساتىمدە، مەن ەرەكشە قوبالجىعان بولاتىنمىن… مەن وعان: «ماەسترو، مەن ءسىزدىڭ ارقاڭىزدا مۋزىكانت بولدىم، ءانشى بولدىم. ءسىز مەنىڭ ومىرىمدە ۇلكەن ءرول اتقاردىڭىز»، – دەدىم. ول: «ماعان دا سەنىڭ ونەرىڭ، داۋىسىڭ، مۋزىكاڭ وتە ۇنايدى. بۇل مەن ءۇشىن كەرەمەت كۇن بولدى.

مەن كوپتەگەن الەمدىك جۇلدىزدارمەن، سونىڭ ىشىندە دجەكي چانمەن، اندرەا بوچەلليمەن جانە باسقالارمەن كەزدەستىم. وسىنداي تاماشا مۇمكىندىكتەر ءۇشىن اۋەلى قۇدايعا، سوسىن «Virtuosos» جوباسىنا راحمەت ايتقىم كەلەدى. وسى تاڭعاجايىپ باعدارلامانى ويلاپ تاۋىپ، جۇزەگە اسىرىپ جاتقان  بارلىق كىسىلەرگە قۇداي جار بولسىن»، – دەپ ديماش ءوز اسەرىمەن ءبولىستى.

پىكىرلەر