اقتوبەدە اباي داڭعىلى بويىنداعى بەس قاباتتى تۇرعىن ءۇيدىڭ ءتورتىنشى قاباتىندا جارىلىس بولدى، دەپ حابارلايدى "ادىرنا" ۇلتتىق پورتالى Orda.kz-كە سىلتەمە جاساپ.
الدىن الا مالىمەت بويىنشا، جارىلىسقا تۇرمىستىق گاز سەبەپ بولعان.
جارىلىستان كەيىن ءۇشىنشى مەن ءتورتىنشى قاباتتىڭ اراسىنداعى ارالىق قابىرعا قۇلاعان.
«جارىلىستىڭ سالدارىنان شامامەن 40 شارشى مەتر اۋماقتا ءورت شىقتى»، – دەپ مالىمدەدى وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتى.
قازىرگى ۋاقىتتا ءورت تولىق سوندىرىلگەن. 73 ادام ەۆاكۋاتسيالانىپ، جاتاقحاناعا ورنالاستىرىلادى. توتەنشە جاعداي سالدارىنان ءبىر ادام قازا تاپقان.
پوليتسيا بۇل وقيعا بويىنشا قر قك 292-بابى 2-بولىگى – «ءورت قاۋىپسىزدىگى تالاپتارىن بۇزۋ، ابايسىزدا ادام ولىمىنە نەمەسە وزگە دە اۋىر زارداپتارعا اكەپ سوعۋ» بابى بويىنشا قىلمىستىق ءىس قوزعادى.
«قازىرگى ۋاقىتتا تۇرعىن ءۇيدىڭ تۇرۋعا جارامدىلىعى تەكسەرىلىپ جاتىر. سەبەبى ءتورتىنشى قاباتتاعى پليتا ءۇشىنشى قاباتقا قۇلاعان. بۇل تۇرعىندار ءۇشىن قاۋىپ بار ەكەنىن بىلدىرەدى. سوندىقتان تومەنگى قاباتتارداعى تۇرعىندار دا ۋاقىتشا جاتاقحاناعا كوشىرىلەدى»، - دەدى قالا اكىمى ازامات بەكەت.