يلون ماسكتىڭ SpaceX كومپانياسى Starship عارىش كەمەسىن توعىزىنشى مارتە سىناقتان وتكىزۋ كەزىندە ساتسىزدىككە ۇشىرادى. بۇل جاعدايعا قاتىستى «روسكوسموس» مەملەكەتتىك كورپوراتسياسىنىڭ باس ديرەكتورى دميتري باكانوۆ پىكىر ءبىلدىردى، دەپ حابارلايدى «ادىرنا» ءتىلشىسى.
«Starship-ءتىڭ توعىزىنشى رەت ۇشۋى مارسقا ۇلكەن كولەمدەگى جۇكتەمەلەردى جەتكىزۋ سىندى تەحنولوگيالىق تاپسىرمانىڭ قانشالىقتى كۇردەلى ەكەنىن كورسەتىپ وتىر. عارىشتى يگەرۋ — ءاردايىم ەڭ جوعارى تەحنولوگيالار مەن بىلىكتىلىكتى قاجەت ەتەتىن اسا كۇردەلى ميسسيا»،—دەدى ول.
باكانوۆ ەكى كومپانيانىڭ ماقساتى ورتاق ەكەنىن جەتكىزدى.
«قازىرگى تاڭدا رەسەي يادرولىق ەنەرگەتيكالىق قوندىرعىمەن جابدىقتالعان كولىك جۇيەسىن قۇرۋ باعىتىندا جۇمىس جۇرگىزىپ جاتىر. بۇل جۇيە شامامەن 10 توننا جۇكتەمەنى مارس ماڭىنداعى وربيتاعا جەتكىزۋگە مۇمكىندىك بەرەدى. SpaceX پەن روسكوسموستىڭ ورتاق ماقساتى بار. ول – الىس عارىشتى زەرتتەۋ»،—دەدى «روسكوسموس» ديرەكتورى.
