تۇركىستان وبلىسى، ورداباسى اۋدانىنداعى شوقان ءۋاليحانوۆ اتىنداعى مەكتەپ-گيمنازيانىڭ تۇلەگى جانىبەك ءابىلحان بيىلعى نەگىزگى ۇلتتىق بىرىڭعاي تەستىلەۋدە ەڭ جوعارعى – 140 بالل جيناعان العاشقى تۇلەك اتاندى.
ۇستازدارى جانىبەك ءابىلحاننىڭ ۇزدىك شاكىرت ەكەنىن ايتىپ، پىكىر ءبىلدىردى.
«جانىبەك 1 سىنىپتان باستاپ شوقان ءۋاليحانوۆ اتىنداعى مەكتەپ-گيمنازيادا ءبىلىم الىپ كەلەدى. مەكتەپ-گيمنازيا ديرەكتورى – ساۋلە يسانوۆا. سىنىپ جەتەكشىسى – گۇلزيرا بورتاي. وقۋشىمىز ۇلتتىق بىرىڭعاي تەستىلەۋدە (ۇبت) ينفورماتيكا ءپانىن تاڭداعان. كوپبالالى وتباسىنان شىققان جانىبەك – ىزدەنىمپاز، ءبىلىمدى وقۋشى. جانىبەكتىڭ جەتىستىگى – تاباندىلىق پەن جۇيەلى دايىندىقتىڭ ناتيجەسى»، – دەپ پىكىر ءبىلدىردى ۇستازدارى.
جانىبەك ءابىلحان - ءۇيىنىڭ ەكىنشى بالاسى. ول ۇبت تەستىن اياقتاماي تۇرىپ، وزىنە سەنىمدى بولعانىن ايتتى.
«اياقتاۋدى باسپاي تۇرىپ، 140/140 الاتىنىمدى ءبىلدىم» - دەيدى ول.
ۇزدىك ناتيجە كورسەتكەن جانىبەكپەن سۇحباتتاسىپ، ونىڭ جەتىستىككە جەتۋ جولىن سۇراپ بىلدىك.
- ەڭ اۋەلى، 140 باللمەن قۇتتىقتايمىز! ماكسيمالدى بالل جيناۋ ءۇشىن قالاي دايىندالدىڭىز؟ قاي ۋاقىتتان باستاپ جۇيەلى تۇردە ۇبت-عا دايىندىقتى باستاۋ كەرەك؟
- 10 سىنىپ كەزىندە بەيىندى پاندەرىن تاڭداپ، ۇبت-عا دايىندىعىمدى باستادىم. سول كەزدە دايىندىق كۋرستارىنا دا جازىلعان ەدىم.
- ءسىز ءۇشىن مەكتەپتە

- ماعان گۋمانيتار پاندەر قيىنعا سوعادى. سونىڭ ىشىندە قازاقستان تاريحى. تاريحتان ەڭ العاشىندا ناتيجەم تومەن ەدى. كىتاپ وقىپ، تاقىرىپتاردى ءتۇسىنىپ قيىن ءپاندى وڭاي مەڭگەردىم.
- ەمتيحان كەزىندە ءوز-ءوزىڭدى قالاي ۇستاپ، قوبالجۋدى قالاي جەڭدىڭىز؟
- ءوز مۇعالىمدەرىمنىڭ سەنىمى ارقاسىندا قوبالجۋدى جەڭدىم دەسەم بولادى
- ۇبت-عا دايىندالىپ جۇرگەن وقۋشىلارعا قانداي كەڭەس بەرەر ەدىڭىز؟
دايىندىقتى ەرتە باستاۋ كەرەك. ءار ءىستى باستاماس بۇرىن الدىعا ماقسات قويۋ قاجەت دەيتىن ەدىم.
- 140 بالل الدىڭىز. ەندى قاي جوعارى وقۋ ورنىنا ءتۇسۋ جوسپاردا بار؟
تاڭداۋ ءپانىم - ينفورماتيكا-ماتەماتيكا. قاي جوو تۇسەتىنىمدى ءالى ناقتى تاڭدامادىم. بىراق الماتى نەمەسە استانا قالاسىنىڭ جوو ءتۇسۋ ويىمدا بار.
- ناۋرىز ايىنداعى ۇبت-دان قانشا جيناپ ەدىڭىز؟
- ناۋرىزدا بولعان ۇبت-دان مەن 133 بالل جيناعان ەدىم. ەندى ناعىز ۇبت 140 بالل جينادىم.
- الداعى وقۋ جىلىنا ساتتىلىك!
ايتا كەتەيىك، 2025 جىلعى قازاقستانداعى نەگىزگى ۇلتتىق بىرىڭعاي تەستىلەۋ 16 مامىردا باستالىپ، 7 شىلدەگە دەيىن جالعاسادى.
سىمبات ناۋحان
«ادىرنا» ۇلتتىق پورتالى