وبلىس اكىمى بەرىك ءۋالي ءوڭىردىڭ الداعى جىلدارداعى دامۋىنا ارنالعان جيىندا وسىنداي جاڭالىقتى جەتكىزدى.
قالانىڭ سولتۇستىك بولىگىندە ورنالاسقان جاڭا اۋداندا 75 مىڭ تۇرعىنعا ارنالعان تۇرعىن ءۇي كەشەندەرى، 40-تان استام اكىمشىلىك، كوممەرتسيالىق جانە الەۋمەتتىك نىساندار، ساياباقتار بوي كوتەرەتىن بولادى. جوبا اياسىندا جاستار سارايى، جەكپە جەك سارايى، عالىمدار ءۇيى، مەديا ورتالىق، كورمە ورتالىعى، دوستىق ءۇيى، ينۆەستورلار ورتالىعى، مۋزىكالىق مەكتەپ، فيلارمونيا، ەتنوساياباق، ستاديون، كوللەدج، مۋزەي، بالاباقشالار، قوناقۇيلەر مەن ساۋدا كەشەندەرىن سالۋ جوسپارلانعان.
«شاھاردىڭ سولتۇستىك بولىگىندە ورنالاسقان جەر كولەمى مىڭ گەكتاردان اساتىن ىقشام ءتيىمدى كولىكتىك دالىزدەرىمەن، ىڭعايلى گەوگرافيالىق ورنالاسۋمەن ەرەكشەلەنەدى. «سەمەي ورمانى» مەملەكەتتىك تابيعي رەزەرۆاتىنا جاقىن تۇرعاندىقتان وسى ەكولوگيالىق جاسىل ايماققا توقتادىق. مۇندا جاسىل جەلەكتى كوپتەپ
جانقيارلىقپەن كۇرەسىپ جۇرگەن ءورت سوندىرۋشىلەردىڭ جالاقىسى نەشە؟ ولاردى تەكسەرۋگە بارعان ءماجىلىس دەپۋتاتتارىنىڭ جالاقىسى نەشە؟
وتىرعىزۋعا باسا ءمان بەرىلەدى، تۇرعىندارعا جايلى ساياباقتار سالىنادى. بۇل ىقشام اۋداندا مەملەكەت باسشىسىنىڭ قولداۋىمەن «ابايعا قۇرمەت» رەسپۋبليكالىق اكتسيا اياسىندا ۇلى ابايدىڭ 180 جىلدىعىنا وراي ەلىمىزدىڭ وزگە وڭىرلەرى سىيعا تارتاتىن ماڭىزدى الەۋمەتتىك، مادەني نىساندار بوي كوتەرەتىن بولادى. ۇزاق مەرزىمگە باعىتتالعان جوبانى جۇزەگە اسىرۋ ءوڭىردىڭ الەۋمەتتىك-ەكونوميكالىق دامۋىنا ۇلكەن سەرپىن بەرەدى، جاڭا ءوندىرىس ورىندارى مەن جاڭا جۇمىس ورىندارىنىڭ اشىلۋىنا سەپتىگىن تيگىزەدى. ءوڭىردىڭ ينۆەستيتسيالىق تارتىمدىلىعى، ونىڭ ىشىندە جەكە ينۆەستيتسيا كولەمى ارتادى»، - دەدى ايماق باسشىسى.
وبلىس اكىمى سەمەيدىڭ باسقا اۋداندارى نازاردان تىس قالمايتىنىن اتاپ ءوتتى. شاھاردىڭ بوس اۋماقتارىنا وبلىستىق كوپسالالى اۋرۋحانا، تەاتر سىندى ماڭىزدى الەۋمەتتىك نىساندار سالىنادى.

ۇقساس جاڭالىقتار



