رامزان قادىروۆتى سىناعان. شەشەن بەلسەندىسى الماتىدا 40 كۇنگە قامالدى

1169
Adyrna.kz Telegram
https://adyrna.kz/content/uploads/2025/05/207e4d1b-f9d7-4b4c-8354-824e3ef35bd0-960x500.jpeg?token=d655c8b5fcdcff1e4bdeb7272af68fc1

شەشەنستان باسشىسى رامزان قادىروۆتى سىناعان شەشەن بەلسەندىسى مانسۋر موۆلاەۆ الماتىدا ۇستالىپ، 40 كۇنگە قامالدى. بۇل تۋرالى ادۆوكات مۇرات ادام مالىمدەدى، دەپ حابارلايدى “ادىرنا” ۇلتتىق پورتالى Ulysmedia.kz سايتىنا سىلتەپ.

مۇرات ادامنىڭ سوزىنشە، تەرگەۋ سوتى شەشەن بەلسەندىسى مانسۋر موۆلاەۆتى 40 كۇنگە قاماۋعا العان. 

“مەن بۇگىنگى پروتسەستە شەشەنستاندا بەلسەندىلەردى كوپشىلىك الدىندا قالاي ولتىرەتىنىن كورسەتتىم. بۇل ناعىز سۇمدىق، مۇنىڭ بارىنە بارلىعى قاراپ تۇر، ال ايەلدەر ولگەن بەلسەندىگە قاراپ جىلاپ تۇر. تەرگەۋ سۋدياسى سول ۆيدەوجازبانى كورسەتۋدى ءوتىندى، بالكىم ءبىزسىز كورگەندە جاعاسىن ۇستاعان بولار. تەرگەۋ سوتى مانسۋر موۆلاەۆتىڭ ومىرىنە قانشالىقتى قاۋىپ ءتونىپ تۇرعانىن كورسەتۋ ءۇشىن مەن وسىنداي ءوتىنىشتى بەرۋگە ءماجبۇر بولدىم. قورعاۋىمىزداعى موۆلاەۆ تا وسى ءوتىنىشتى قولدادى”،

– دەيدى ول.

مۇرات ادام ەندىگى كەزەكتە مانسۋر موۆلاەۆقا باسپانا بەرۋ ماسەلەسى جونىندە ءوتىنىش بىلدىرەتىنىن جەتكىزدى.

ء“بىز تەرگەۋ سوتىنىڭ شەشىمىنە ىرزامىز. سوت شەشىمىنە قارسىلىق بىلدىرمەيمىز”، - دەيدى ادۆوكات.

الماتىدا شەشەن ۇلتىنىڭ وكىلى، بەلسەندى مانسۋر موۆلاەۆتىڭ ۇستالعانى تۋرالى كەشە اقپارات تاراعان ەدى. موۆلاەۆتىڭ ۇستالعانىن راستايتىن وزگە دەرەككوز تابىلماعان. الماتى قالالىق پوليتسيا دەپارتامەنتى دە بۇل جونىندە تۇسىنىكتەمە بەرگەن جوق.

«ناستوياششەە ۆرەميا» ارناسىنىڭ جازۋىنشا، 2023 جىلى مانسۋر موۆلاەۆ قىرعىزستاندا جۇرگەن كەزىندە رەسەيگە ەكستراديتسيا قاۋپى تۋىنداعان. وسىدان كەيىن ول ەلدەن كەتۋگە ءماجبۇر بولعان. سول ۋاقىتتا ول الەۋمەتتىك جەلىدە رەسەي بيلىگى وزىنە قىسىم جاساۋ ءۇشىن باۋىرلارى زەليمحان مەن حامزاتتى ۇستاعانىن جازعان.

پىكىرلەر