ۋكراينانىڭ بۇرىنعى پرەزيدەنتى ۆيكتور يانۋكوۆيچ بۇرىنعىعا قوسا تاعى دا سىرتتاي 15 جىلعا سوتتالدى. ۇكىمدى كيەۆ قالاسىنداعى پودولسك اۋداندىق سوتى شىعاردى، دەپ حابارلايدى «ادىرنا» ءتىلشىسى.
ەكس-باسشى «دەزەرتيرلىككە يتەرمەلەۋ جانە ادامداردى مەملەكەتتىك شەكارادان زاڭسىز وتكىزۋ ءىسىن ۇيىمداستىرۋ» بابى بويىنشا كىنالى دەپ تانىلدى. ال ونىڭ بۇرىنعى كۇزەت باسشىسى كونستانتين كوبزار 10 جىلعا باس بوستاندىعىنان ايىرىلدى.
ايتا كەتەيىك، بۇل — يانۋكوۆيچكە شىققان ەكىنشى ۇكىم. ول 2019 جىلى ۋكرايناعا قارسى "اگرەسسيالىق سوعىس جۇرگىزۋگە كومەكتەسكەنى" جانە مەملەكەتكە وپاسىزدىق جاساعانى ءۇشىن 13 جىلعا سوتتالعان ەدى. بۇل ۇكىم دە سىرتتاي شىعارىلدى، سەبەبى بۇرىنعى پرەزيدەنت 2014 جىلى ەلدەن قاشىپ كەتكەن بولاتىن.
