سپورتتىق گيمناستيكادان قازاقستان قۇراماسىنىڭ وكىلى ميلاد كاريمي كايردە ءوتىپ جاتقان الەم كۋبوگىنىڭ كەزەڭىندە جەڭىمپاز اتاندى، دەپ حابارلايدى «ادىرنا» ءتىلشىسى Olympic.kz-كە سىلتەمە جاساپ.
سپورتشى ەركىن جاتتىعۋلار باعدارلاماسىندا توپ جاردى. فينالدا كاريمي 14,133 ۇپاي جينادى. ەكىنشى ورىندى بولگاريالىق ەددي پەنەۆ (13,966 ۇپاي), ال ءۇشىنشى ورىندى ۋكراينالىق نازار چەپۋرنىي (13,866 ۇپاي) يەلەندى.
ايتا كەتەيىك، بۇل – الەم كۋبوگىنىڭ سوڭعى كەزەڭى. جالپى ەسەپتە دە كاريمي ەركىن جاتتىعۋلار بويىنشا ءبىرىنشى ورىنعا يە بولدى. 28 ساۋىردە ول قوسسىرىقتاعى جاتتىعۋلاردىڭ فينالىندا ونەر كورسەتەدى. سونداي-اق 27 ساۋىردە ات سناريادىنداعى جاتتىعۋلاردا ناريمان قۇربانوۆ پەن زەينوللا ىدىرىسوۆ تا مەدال ءۇشىن تالاسادى.
