مەملەكەت باسشىسى قاسىم-جومارت توقاەۆ قازاقستاننىڭ بىرىڭعاي ۋاقىت بەلدەۋىنە كوشۋى تۋرالى ايتتى. بۇل تۋرالى ول بۋرابايدا وتكەن قۇرىلتايدا مالىمدەدى، دەپ حابارلايدى “ادىرنا” ۇلتتىق پورتالى.
"ەندى بىرىڭعاي ۋاقىت بەلدەۋىنە كوشۋگە قاتىستى پىكىرتالاسقا توقتالايىن. ۇكىمەت پەن پارلامەنت بۇل ماسەلەنى تالقىلادى. ارنايى زەرتتەۋلەر جۇرگىزىلدى، شەشىمگە كۇمان كەلتىرگەن قوعام بەلسەندىلەرىنىڭ قاۋپى مەن كۇمان-كۇدىگى راستالعان جوق.
ۇكىمەتتىڭ جانە دەپۋتاتتاردىڭ باسىم كوپشىلىگىنىڭ، سونداي-اق مامانداردىڭ ۋاجىمەن كەلىسەمىن: ءبىزدىڭ كەڭ-بايتاق جەرىمىز بار، حالقىمىزدىڭ سانى دا سالىستىرمالى تۇردە العاندا كوپ ەمەس. سوندىقتان ەلىمىزدە بىرىڭعاي ۋاقىت بەلدەۋى بولۋعا ءتيىس. بۇل ءتاسىل مەملەكەتتى باسقارۋ ءىسىن جەڭىلدەتەدى، لوگيستيكا مەن كوپتەگەن بيزنەس-ۇدەرىستى وڭتايلاندىرۋعا سەپتىگىن تيگىزەدى. وسىمەن پىكىرتالاستى دوعارۋ قاجەت دەپ ويلايمىن، ونىڭ ۇستىنە بۇل ماسەلەنى ساياسيلاندىرۋدىڭ قاجەتى جوق", - دەدى پرەزيدەنت ۇلتتىق قۇرىلتاي وتىرىسىندا.
