“قازاقستاننىڭ ەڭبەك سىڭىرگەن ءارتىسى، تالانتتى اكتريسا، كۇيشى، سازگەر، حالىق قاھارمانى نۇرعيسا تىلەنديەۆتىڭ جارى داريعا تىلەنديەۆانىڭ ومىردەن وزۋىنا بايلانىستى قايعىرا كوڭىل ايتامىز. داريعا تىلەنديەۆا ۇلتتىق مادەنيەتىمىزدىڭ دامۋىنا سۇبەلى ۇلەس قوسقان كورنەكتى ونەر يەسى. ول حالىق قاھارمانى، كۇيشى-كومپوزيتور نۇرعيسا تىلەنديەۆتىڭ ومىرلىك جارى عانا ەمەس، سازگەردىڭ شىعارماشىلىق مۇراسىن ساقتاپ، كەيىنگى ۇرپاققا جەتكىزگەن تۇلعا بولدى. ونىڭ ونەرى مەن رۋحاني مۇراسى قازاق حالقىنىڭ جۇرەگىندە ماڭگى ساقتالادى”، – دەپ جازدى قۇرمانعازى وركەسترىنىڭ ۇجىمى.
داريعا تىلەنديەۆا 1946 جىلى الماتى وبلىسى، كوكسۋ اۋدانى، بۇرىنعى اقتەكشە اۋدانىندا دۇنيەگە كەلگەن. العاش رەت "قازاقفيلم" كينوستۋدياسىندا تۇسىرىلگەن "قۇلاگەر", سودان كەيىن "اق ماشينا", "التى جاسار الپامىس", "قوشتاسقىم كەلمەيدى", "جامبىلدىڭ جاستىق شاعى", تاعى باسقا كوركەم فيلمدەرىندە ءار ءتۇرلى رولدەردى ورىندادى. 1993 جىلدان "وتىرار سازى" وركەسترىندە قىزمەت ىستەدى.
1967 جىلدان بەرى – «قازاقفيلم» كينوستۋدياسىنىڭ اكتريساسى (قازىرگى – ش. ايمانوۆ اتىنداعى «قازاقفيلم» اق) قىزمەتىن اتقاردى.
«تريزنا» (1974), «الپامىس مەكتەپكە بارادى» (1977), «جاۋ، توعىزىنشى ۇلدان قورىق» (1984), «قوشتاسقىم كەلمەيدى» (1992), «جامبىل» (1993) جانە تاعى باسقا فيلمدەرگە تۇسكەن. ن. تىلەنديەۆ اتىنداعى حالىقارالىق قوعامدىق قوردىڭ پرەزيدەنتى، قر ەڭبەك سىڭىرگەن ءارتىسى (1998) اتاندى.
