پاۆلودارلىق پوليتسيا قىزمەتكەرلەرى 52 جاستاعى كاسىپكەر اسۋلان نۇرماعامبەتوۆتى ىزدەستىرىپ جاتىر، دەپ حابارلايدى "ادىرنا" ۇلتتىق پورتالى.
ول 21 اقپاندا ساعات 14:40 شاماسىندا اق ءتۇستى Toyota Camry-50 (مەملەكەتتىك ءنومىرى 039 OFA 14) كولىگىمەن ۇيىنەن جۇمىسقا شىعىپ، سول كۇيى ورالماعان.
ەر ادامنىڭ جوعالعانى تۋرالى پوليتسياعا ونىڭ تۋىستارى حابار بەرگەن. بەلگىلى بولعانداي، ول جەرگىلىكتى فيرمالاردىڭ ءبىرىن باسقارادى.
اسۋلان نۇرماعامبەتوۆتىڭ بويى 170-175 سم، ورتا دەنە ءبىتىمدى، كوزىلدىرىك تاعادى. جوعالعان كەزدە قويۋ كوك ءتۇستى پۋحوۆيك، سۇر باس كيىم، قارا دجينسى جانە قوڭىر ءتۇستى جارتىلاي سپورتتىق اياق كيىم كيگەن.
پوليتسيا ازاماتتاردىڭ كومەگىنە جۇگىنىپ، جوعالعان كاسىپكەر تۋرالى قانداي دا ءبىر اقپارات بىلەتىن ادامداردان 102, 8 (7182) 37 76 10, 37 76 11 نومىرلەرىنە حابارلاسۋدى سۇرايدى. انونيمدىككە كەپىلدىك بەرىلەدى.
