اقتوبەدە 6 جاستاعى قىزعا سەكسۋالدىق ارەكەتتەر جاساپ تيىسكەن ازامات ءومىر بويىنا سوتتالدى، دەپ حابارلايدى "ادىرنا" ۇلتتىق پورتالى.
اقتوبە وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا 6 جاسار قىز بالاعا جاسالعان سەكسۋالدىق ارەكەتكە قاتىستى ۇكىم شىقتى. 61 جاستاعى ەر ادامنىڭ بۇلدىرشىنگە كورسەتكەن ازعىندىق ارەكەتتەرى پودەزدەگى بەينە باقىلاۋ كامەراسىنا تۇسكەن.
قىلمىسكەرگە قىلمىستىق كودەكستىڭ 121-بابى، ياعني سەكسۋالدىق سيپاتتاعى زورلىق-زومبىلىق ارەكەتتەرى بويىنشا ايىپ تاعىلدى. سوت ونى كىنالى دەپ تانىپ، جازاسىن قىلمىستىق اتقارۋ جۇيەسىنىڭ توتەنشە قاۋىپسىز مەكەمەلەرىندە وتەۋگە ۇكىم شىعاردى.
