وسىدان تۋرا 100 جىل بۇرىن، 1925 جىلى 9 اقپان كۇنى قازاق اكسر ورتالىق اتقارۋ كوميتەتى تورالقاسى مەملەكەت استاناسىن ورىنبوردان اقمەشىتكە (قازىرگى قىزىلورداعا) كوشىرۋ تۋرالى شەشىم شىعاردى.
سول جىلعى 15-19 ساۋىردە اقمەشىتتە وتكەن كەڭەستەردىڭ بۇكىلقازاقستاندىق V سەزى حالقىمىزدىڭ ورىسشا «كيرگيز» دەگەن اتاۋىن «قازاق»، «كيرگيز اكسر» دەگەندى «قازاق اكسر» دەپ وزگەرتۋ، ال رەسپۋبليكا استاناسى اقمەشىت قالاسىن قىزىلوردا دەپ اتاۋ تۋرالى قاۋلى قابىلدادى.
1925 جىلدىڭ كوكتەمى مەن جازىندا مەملەكەتتىك باسقارۋ ورگاندارى سىر بويىنا كوشىرىلدى.
ال ورىنبور شاھارى مەن گۋبەرنياسى رەسەي فەدەراتسياسى قۇرامىنا بەرىلدى.
1927 جىلى قازاقستان استاناسىن الماتىعا كوشىرۋ تۋرالى شەشىم قابىلداندى، ال 1929 جىلى بۇل پروتسەسس تولىعىمەن اياقتالدى. الماتى 1997 جىلعا دەيىن قازاقستاننىڭ استاناسى بولدى. كەيىن بۇل مارتەبە استانا قالاسىنا بەرىلدى.
