شىعىس قازاقستان وبلىسى زايسان اۋدانىندا ەر ادام وتقا ورانعان ۇيدەن 4 بالا مەن قارت ايەلدى امان الىپ شىقتى. بۇل تۋرالى شقو توتەنشە جاعدايلار دەپارتامەنتىنىڭ ءباسپاسوز قىزمەتى جاريالادى، دەپ حابارلايدى “ادىرنا” ۇلتتىق پورتالى.
اقپاراتقا سايكەس، وقيعا زايسان اۋدانى اينابۇلاق اۋىلىندا بولعان. شايزادانوۆ كوشەسىندەگى جەر ۇيدە ءورت شىققان.
وقيعا ورنىنا №25 ءورت ءسوندىرۋ ءبولىمىنىڭ قىزمەتكەرلەرى كەلىپ جەتكەندە دەيىن ءۇي يەلەرىنىڭ كورشىسى تالعات ءمۇسىرات كومەككە ۇمتىلدى. ول تەرەزە ارقىلى ۇيگە كىرىپ، 68 جاستاعى اجەنى جانە 7, 5, 4 جانە 1 جاستاعى ءتورت بالانى سىرتقا الىپ شىقتى. وسىلايشا، 5 ادامدى ورتتەن قۇتقارىپ قالدى.
“كوپ ۇزاماي ءورت سوندىرۋشىلەر 30 شارشى مەتر اۋماقتاعى قىزىل جالىندى تولىقتاي اۋىزدىقتادى. زارداپ شەككەن ەشكىم جوق. الدىن الا دەرەك بويىنشا ءورتتىڭ شىعۋ سەبەبى - ەلەكتر جابدىقتارىن مونتاجداۋ جانە پايدالانۋ كەزىندەگى قاۋىپسىزدىك تالاپتارىن ساقتاماۋ”، - دەپ حابارلادى شقو توتەنشە جاعدايلار دەپارتامەنتىنىڭ ءباسپاسوز قىزمەتى.
