جاڭا قىسقى ماۋسىمنىڭ باستالۋىمەن Oi-Qaragai تاۋ كۋرورتى جاڭا بەلەستەر مەن جاڭا مۇمكىندىكتەر اشىپ، العا قادام باسادى. وندا اqtas قۇرىلىسى اياقتالىپ جاتىر، دەپ حابارلايدى”ادىرنا” ۇلتتىق پورتالى.
2024-2025 ماۋسىمىندا كۋرورت قوناقتارى جاڭا شىڭدى – تەڭىز دەڭگەيىنەن 2140 مەتر بيىكتىكتە ورنالاسقان Aqtas ءۇستىرتىن باعىندىرا الادى، ول كۋرورتتىڭ ەڭ بيىك نۇكتەسى جانە تۋريستەردى تارتۋ ورتالىعى بولادى. قازىرگى ۋاقىتتا Aqtas تومەنگى ستانتسياسىنىڭ قۇرىلىسىن اياقتاۋ جۇمىستارى جۇرگىزىلىپ جاتىر.
وسىعان وراي Oi-Qaragai تاۋ كۋرورتى 10 قاڭتاردا پرەسس-تۋر ۇيىمداستىرادى. تۋر بارىسىندا Oi-Qaragai جشس باس ديرەكتورى دميتري ماتياس، جوبا جەتەكشىسى كيريلل زارۋبين قۇرىلىس بارىسىمەن تانىستىرادى. كۋرورتتىڭ زاڭ ءبولىمىنىڭ مەڭگەرۋشىسى سۆەتلانا پان تۋىنداعان ماسەلەلەر تۋرالى ايتىپ بەرەدى.
كۋرورت وكىلدەرى جۇمىس بارىسى تۋرالى، سونداي-اق ءىس جۇزىندە وڭىردە جاڭا تۋريستىك باعىتتىڭ قۇرىلىسىنا كەدەرگى جاساپ تۇرعان، جەر تەلىمىنىڭ ءبىر بولىگىن رەيدەرلىك باسىپ الۋ ارەكەتى تۋرالى رەسمي مالىمدەمە جاسايدى. بۇل رەيدەرلىك ىستەر وبلىستا جاڭا تۋريستىك باعىتتىڭ قۇرىلىسىن باياۋلاتقان.
سۇراقتار تۋىنداعان جاعدايدا جانە اككرەديتتەلۋ ءۇشىن مىنا نومىرگە حابارلاسىڭىزدار: +7 747 651 52 41(WhatsApp) ماكسيم كوزلوۆ.
