ەلورداعا جاقىن ورنالاسقان قوياندى اۋىلىندا 2000 ورىندىق جاڭا مەكتەپ اشىلىپ، وقۋشىلار العاشقى رەت پارتاعا وتىردى. بۇل مەكتەپ اۋىلداعى ەكى ءبىلىم ورداسىنىڭ جۇكتەمەسىن ازايتىپ، ساباققا استاناعا بارىپ جۇرگەن وقۋشىلاردى وزىنە تارتۋ ءۇشىن سالىنعان. مەكتەپ ايماقتاعى ەڭ ۇلكەن ءبىلىم بەرۋ مەكەمەسى بولىپ تابىلادى.
اتا-انالار مەن وقۋشىلاردىڭ ايتۋىنشا، بۇل مەكتەپتە ءبىلىم الۋشىلاردىڭ ۋاقىتىن ءتيىمدى وتكىزىپ، جان-جاقتى دامۋىنا بارلىق جاعداي جاسالعان. ءتورت قاباتتى زاماناۋي عيماراتتا وقۋ كابينەتتەرى، زەرتحانالار، ءتورت سپورت زالى، اكت زالى، اسحانا جانە وقۋ زالى بار كىتاپحانا قاراستىرىلعان. ءاربىر بلوكتا كوۆوركينگ ايماقتارى جاساقتالعان، سونداي-اق ەرەكشە ءبىلىم بەرۋدى قاجەت ەتەتىن وقۋشىلار ءۇشىن ارنايى جاعدايلار جاسالعان.
بۇل جاڭا مەكتەپ اۋىل بالالارىنا ساپالى ءبىلىم مەن قوسىمشا مۇمكىندىكتەر ۇسىنۋعا باعىتتالعان.
