جاڭا جىلدىق مەرەكە كەزىندە قازاقستاندا 63 ادام ساليۋتتان زارداپ شەكتى، دەپ حابارلايدى “ادىرنا” ۇلتتىق پورتالى.
زارداپ شەككەندەردىڭ 20-سى بالا. بەس بالا اۋرۋحاناعا جاتقىزىلعان. ال 51 ناۋقاس، ونىڭ ىشىندە 15 بالا امبۋلاتورلىق ەم الۋدا.
اتاپ ايتقاندا، الماتىدا 19 ادام، جامبىل وبلىسىندا 11 ادام، قاراعاندى، ماڭعىستاۋ جانە قوستاناي وبلىستارىندا، سونداي-اق شىمكەنتتە التى ادام جاراقات العان. اقتوبە وبلىسىندا – ەكى ادام، اقمولا، قىزىلوردا، اتىراۋ، شىعىس قازاقستان، باتىس قازاقستان، الماتى جانە اباي وبلىستارىندا – ءبىر ادامنان زارداپ شەككەن.
زارداپ شەككەندەردىڭ بارلىعىنا كوز جاراقاتى، قاساڭ قابىقتىڭ كۇيۋى، كۇيىك جانە قولدىڭ جاراقاتى دياگنوزى قويىلدى.
