مەملەكەت باسشىسى قاسىم-جومارت توقاەۆ «انا ءتىلى» گازەتىنە بەرگەن سۇحباتىندا تالعارداعى قىلمىستىق وقيعاعا قاتىستى پىكىر ءبىلدىردى، دەپ حابارلايدى “ادىرنا” ۇلتتىق پورتالى.
«قايتالاپ ايتامىن، ەلىمىزدە «زاڭ مەن ءتارتىپ» قاعيداتى مىزعىماستاي ورنىعۋعا ءتيىس. مەن تالعار وقيعاسىنا دەيىن جاريالاعان جولداۋىمدا قۇقىق قورعاۋ ورگاندارىنان قىلمىس پەن قاراقشىلىقتىڭ تامىرىنا بالتا شابۋدى تالاپ ەتتىم.
تالعارداعى وقيعادان كەيىن قۇقىق قورعاۋ ورگاندارى قاجەتتى شارالاردىڭ ءبارىن قابىلدادى. كۇدىكتىلەر قاماۋعا الىندى. تەرگەپ-تەكسەرۋ جۇمىستارى اياقتالۋعا جاقىن. كوپ ۇزاماي وسى ىسكە قاتىستى سوت بولادى. بۇل وقيعاعا وراي قۇزىرلى ورگاندار قابىلداعان بارلىق شارا زاڭ تالاپتارىنا تولىق ساي كەلەدى. ال باسقانىڭ ءبارى – قۇر داقپىرت پەن تەرىس پيعىلدى كەيبىر توپتاردىڭ وسى جاعدايعا ساياسي سيپات بەرۋگە دەگەن ۇمتىلىسى عانا. بۇعان جول بەرۋگە بولمايدى.
وسى وقيعاعا قاتىسى بار ازاماتتار بويىنشا مىنا ماسەلەنى ەسكە سالعىم كەلەدى. قازاق حالقى شەتەلدەن كەلگەن وتانداستارىن «قانداسىم» دەپ، قۇشاق جايا قارسى الدى. تاريحي وتانىنا ورالعاندار قازاقستاننىڭ زاڭدارىنا قاتاڭ باعىنىپ، قوعامدىق ءتارتىپتى ساقتاپ، زاڭسىز ارەكەتتەردەن اۋلاق بولۋى كەرەك. ولار بۇرىن وزدەرى تۇرعان ەلدە بيلىكتىڭ تالابىن ساقتاپ، ونداي ارەكەت جاساعان جوق قوي؟!» - دەدى توقاەۆ.
