اليەۆپەن تەلەفون ارقىلى سويلەسكەندە ول ءسوز اراسىندا: "مەن بولعان وقيعانىڭ رەسەي اسپانىندا بولعانى ءۇشىن كەشىرىم وتىنەمىن. قازا بولعاندارعا كوڭىل ايتامىن. جاراقات العاندار تەزىرەك ساۋىعىپ كەتسىن" - دەپتى. ەندى وسىنى تالدايىق.
"بولعان وقيعا رەسەي اسپانىندا بولعانى ءۇشىن..." وقيعا ءبىر وزىمەن-ءوزى بولا قالعانداي-اق. بۇل كەشىرىم سۇراۋعا جاتپايدى، بۇل ءازىربايجان مەملەكەتى ءۇشىن وسىلاي دەي وتىرىپ ءازىربايجان قوعامىن تىنىشتاندىرۋ ءۇشىن ايتىلعان كەزەكتى كەزەكشى فرازاسى عانا. جانە سول بويدا: ءبىز قايتەيىك، ۋكراين دروندارى عوي شابۋىل جاساعان، ءبىز سودان قورعانۋعا ءماجبۇر بولدىق دەگەندەي قىلعان. ياعني ۋكرايناعا جاپقان.
كەشىرىم ولاي سۇرالمايدى. ءبىز بايقاۋسىزدا اتىپ الدىق دەپ تۇرعان جوق. ال باسقا بوس تۇرعان اۋەجايلارعا نەگە قوندىرماعان دەگەن سۇراق جاۋاپسىز قالدى. ۋكراينداردىڭ قىرسىعىنان ءبىز بارلىق اۋەجايلاردى جابۋعا ءماجبۇر بولدىق دەيدى. اپاتتىق جاعدايدا كەلە جاتقان ۇشاقتى قوندىرماۋ، ونى تەڭىز ارقىلى اقتاۋعا جولداۋ قىلمىس ءىزىن جاسىرۋ ەكەندىگىن بۇكىل الەم ءباسپاسوزى جازىپ جاتىر، سونى بىلە تۇرا ءپۋتيننىڭ بۇلايشا مايموڭكەلەۋى ونىڭ شىن بەت-بەينەسىن كورسەتەدى.
مەنىڭشە، وسىمەن ءبارى اياقتالادى، ەشقانداي كومپەنساتسيا تۋرالى اڭگىمە بولۋى دا مۇمكىن ەمەس. ەندىگى مىندەت - ءبارىن دە، بارلىق ۆيدەو، ۇشقىشتاردىڭ ديسپەتچەرمەن سويلەسكەندەرى، قارا جاشىكتەر، ت.س.س. سەنىمدى جەردە ساقتالۋى كەرەك. ازىرگە پۋتين كوبزونعا كەتىپ جاعداي وزگەرگەنشە. ايتپەسە فسب ولاردىڭ ساقتالعان جەرىن بىلسە جارىپ جىبەرۋدەن دە تايىنباس.
ال ءبىزدىڭ ۇكىمەت... كوميسسيا كەلىپ قارايدى دەپ جاتىر عوي، ءسال شىدايىق، كۇتەيىك. نە دەر ەكەن؟
قۋانىش ەدىلحانوۆ
