اقتاۋداعى ازەربايجان اۋە جولدارى ۇشاعىنىڭ اپاتىنا قاتىستى تەرگەۋگە تۇركيالىق ماماندار قاتىساتىنى ايتىلدى، دەپ حابارلايدى "ادىرنا" ۇلتتىق پورتالى.
بۇل تۋرالى تۇركيانىڭ كولىك جانە ينفراقۇرىلىم ءمينيسترى ابدۋلكادير ۋرالوگلۋ مالىمدەدى.
ءمينيستردىڭ مالىمدەمەسىنشە، تەرگەۋ كوميسسياسى ازەربايجان مەملەكەتتىك ازاماتتىق اۆياتسيا اگەنتتىگىنىڭ سۇرانىسى بويىنشا قۇرىلدى.
"تەحنيكالىق جانە وپەراتسيالىق تالداۋ جۇرگىزىپ، قاجەتتى قولداۋ كورسەتەمىز. وقيعانىڭ بارلىق ءمان-جايىن زەرتتەۋ ءۇشىن قۇزىرلى ورگاندارمەن بىرلەسە وتىرىپ جۇمىس ىستەيمىز", – دەدى تۇركيا مينيسترى.
ابدۋلكادير ۋرالوگلۋ دەلەگاتسيانىڭ 27 جەلتوقسان كۇنى كەشكە باكۋگە اتتانىپ، 28 جەلتوقساننان جۇمىسقا كىرىسەتىنىن ايتتى.
"تۇركيا كەز كەلگەن جاعدايدا ازەربايجاندى قولدايدى", – دەدى مينيستر
