پارلامەنت سەناتى اكىمشىلىك قۇقىق بۇزۋشىلىق تۋرالى كودەكسكە ەنگىزىلەتىن جاڭا تۇزەتۋلەردى ماقۇلدادى، دەپ حابارلايدى “ادىرنا” ۇلتتىق پورتالى.
قۇجاتقا سايكەس جول قوزعالىسى ەرەجەلەرىن بۇزعاندارعا قاتىستى ايىپپۇل مولشەرى مەن جازا تۇرلەرى ايتارلىقتاي كۇشەيەدى.
كولىك تەرەزەسىنەن نەمەسە ليۋگىنەن دەنەسىن شىعارىپ، ەسىكتى اشقان جولاۋشىلار 10 اەك (34500 تەڭگە) كولەمىندە ايىپپۇل تولەيدى.
قارسى جولاققا شىققان مۇگەدەك جۇرگىزۋشىلەر ءۇشىن جۇرگىزۋشى كۋالىگىنەن ايىرۋ جازاسى قولدانىلمايدى. ونىڭ ورنىنا 30 اەك (103500 تەڭگە) ايىپپۇل سالىنادى.
ودان بولەك، ەگەر جول اپاتىنان زارداپ شەككەندەر بولماسا، جۇرگىزۋشى 9 ايعا كولىك جۇرگىزۋ قۇقىعىنان ايىرىلادى (596-باپ).
جەدەل جاردەم نەمەسە ارنايى قىزمەت كولىگىنە باسىمدىق بەرمەگەندەر 20 اەك (69000 تەڭگە) ايىپپۇل تولەيدى. ەرەجە ءبىر جىل ىشىندە قايتالانسا، ايىپپۇل كولەمى 40 اەك-كە (138000 تەڭگە) وسەدى نەمەسە 20 ساعات قوعامدىق جۇمىسقا تارتىلادى (598-باپ).
بۇل جاعدايداعى ايىپپۇل 10 اەك-تەن 20 اەك-كە دەيىن كوبەيەدى. ەگەر جۇرگىزۋشى جول اپاتىنا سەبەپكەر بولسا، 9 ايعا جۇرگىزۋشى كۋالىگىنەن ايىرىلادى (607-باپ).
ەرەجەنى ءبىر جىل ىشىندە قايتا بۇزعاندار 20 ساعات قوعامدىق جۇمىسقا تارتىلادى.
اۆتوتۇراق اقىسىن تولەمەگەندەرگە سالىناتىن ايىپپۇل مولشەرى 3 اەك-تەن 1 اەك-كە دەيىن تومەندەيدى. ءبىر جىل ىشىندە قايتالانعان جاعدايدا 5 اەك ورنىنا 2 اەك ايىپپۇل تولەنەدى (597-باپ).
زارداپ شەككەندەر بولماعان جاعدايدا جۇرگىزۋشى كۋالىگىنەن ايىرۋ جازاسى قولدانىلمايدى. ونىڭ ورنىنا 20 اەك ايىپپۇل سالىنادى. ەگەر اپات ءبىر جىل ىشىندە قايتالانسا نەمەسە ادام زارداپ شەكسە، 9 ايعا كولىك جۇرگىزۋ قۇقىعىنان ايىرىلادى (610-باپ).
بۇل تۇزەتۋلەرگە ەندى پرەزيدەنت قول قويۋى كەرەك. قۇجات 2025 جىلدىڭ قاڭتارىنان باستاپ كۇشىنە ەنۋى مۇمكىن.
