گەيدار اليەۆ اتىنداعى حالىقارالىق اۋەجايدا ۇشاق اپاتىنان (باكۋ-گروزنىي J2-8243 رەيسى) قازا تاپقانداردى ەسكە الۋ ءراسىمى ءوتتى، دەپ حابارلايدى "ادىرنا" ۇلتتىق پورتالى.
قازا تاپقانداردى ەسكە الۋ ءۇشىن ءبىر مينۋت ۇنسىزدىك جاريالاندى.
"باكۋ-گروزنىي J2-8243 رەيسىندەگى قايعىلى وقيعا سالدارىنان قازا تاپقانداردى گەيدار اليەۆ اتىنداعى حالىقارالىق اۋەجايدا ءبىر مينۋت ۇنسىزدىكپەن ەسكە الدى. جاتقان جەرلەرى جايلى بولسىن", - دەلىنگەن ۆيدەوداعى جازبادا.
Aدامدار اۋەجايدا مەموريالدىق ستەندكە گۇل شوقتارىن اكەلىپ، قايعىلى وقيعا قۇرباندارىن ەسكە العان.
اۋەجايدىڭ رەسمي Telegram-كانالىندا ۆيدەو جاريالاندى. كادرلاردا اۋەجاي عيماراتىنداعى ادامداردىڭ قۇرمەت، قايعى جانە كوڭىل ايتۋ بەلگىسى رەتىندە باستارىن يگەنى كورسەتىلگەن.
ازەربايجان اۋە جولدارى دا مەموريال الاڭىنان فوتوسۋرەتتەرمەن ءبولىستى. جاريالانعان كادرلاردا مەموريالدىق ستەندكە گۇل شوقتارىن اكەلىپ، قايعىلى وقيعا قۇرباندارىنا تاعزىم ەتىپ جاتقانىن كورۋگە بولادى.
«ءبىز Embraer 190 ۇشاعىنىڭ اپاتىندا جوعالتقان قىمباتتى ادامداردى ەشقاشان ۇمىتپايمىز. باكۋ اۋەجايىنىڭ 2-تەرمينالىنىڭ وڭتۇستىك كىرەبەرىسىندە ورناتىلعان بۇل عيمارات كەلۋشىلەردى شىن جۇرەكتەن دۇعا، ەستەلىكتەر مەن قۇرمەتپەن بولىسۋگە شاقىراتىن تەرەڭ ماعىناعا يە»، - دەلىنگەن حابارلامادا.
