بۇگىن قازاقتىڭ اقىن قىزى، پوەزيا پاديشاسى، قازاقستان رەسپۋبليكاسى مەملەكەتتىك سىيلىعىنىڭ لاۋرەاتى، قازاقستان رەسپۋبليكاسىنىڭ حالىق جازۋشىسى فاريزا وڭعارسىنوۆانىڭ دۇنيەگە كەلگەن كۇنى.
بيىل اقىننىڭ تۋعانىنا 85 جىل تولىپ وتىر. فاريزا وڭعارسىنوۆا 1939 جىلى 25 جەلتوقساندا اتىراۋ وبلىسى، يساتاي اۋدانى، ماناش اۋىلىندا دۇنيەگە كەلگەن.
العاشقى ولەڭدەرى رەسپۋبليكالىق ءباسپاسوز بەتتەرىندە 1958-ءشى جىلى باسىلعان. تۇڭعىش ولەڭدەر جيناعى «ساندۋعاش» 1966-شى جىلى جارىق كورگەن. «الماس قىلىش»، «تارتادى بوزبالانى ماگنيتىم»، «سايراعان جەتىسۋدىڭ بۇلبۇلىمىن»، «تىڭداڭدار، ءتىرى ادامدار»، «قارعىس»، «قاسىرەت پەن ەرلىك جىرى» پوەمالارى، «ءۇيىم مەنىڭ – وتانىم»، «ماڭعىستاۋ مونولوگتارى»، «رەۆوليۋتسيا جانە مەن» ولەڭ توپتامالارىنىڭ اۆتورى.
فاريزا وڭعارسىنوۆا گۋرەۆ مەملەكەتتىك پەداگوگيكالىق ينستيتۋتىنىڭ ءتىل-ادەبيەت فاكۋلتەتىن ءبىتىرىپ، بالىقشى اۋدانىنىڭ ەركىنقالا، «وكتيابردىڭ 40 جىلدىعى» قازاق ورتا مەكتەپتەرىندە مۇعالىم بولىپ جۇمىس ىستەگەن. كەيىننەن گۋرەۆ وبلىستىق «كوممۋنيستىك ەڭبەك» گازەتىنىڭ پارتيا تۇرمىسى بولىمىندە ادەبي قىزمەتكەر مىندەتىن اتقارعان. سونىمەن قاتار، قازىرگى «جاس الاش» گازەتىنىڭ اقتوبە، گۋرەۆ، ورال وبلىستارى بويىنشا مەنشىكتى ءتىلشىسى بولىپ ەڭبەك ەتكەن.
1970–1978-ءشى جىلدارى رەسپۋبليكالىق «قازاقستان پيونەرى» (قازىرگى «ۇلان») جۋرنالىنىڭ باس رەداكتورى، 1978–2000 جىلدارى «پيونەر» (قازىرگى «اق جەلكەن») جۋرنالىنىڭ باس رەداكتورى قىزمەتتەرىن اتقارسا، 1996 جىلدان باستاپ 2004-ءشى جىلعا دەيىن قر ءماجىلىسىنىڭ ءى جانە ءىى شاقىرىلىمدارىنىڭ دەپۋتاتى بولدى.
2014-ءشى جىلدىڭ 23-ءشى قاڭتار كۇنى استانا قالاسىندا ۇزاق سىرقاتى سەبەپ بولىپ، دۇنيەدەن ءوتتى.
