ماسكەۋدە گەنەرال يگور كيريللوۆ پەن ونىڭ كومەكشىسى قازا تاپقان جارىلىستى ۋكراينا ءوز موينىنا الدى. بۇل تۋرالى ۋكراينا قاۋىپسىزدىك قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
"بۇگىن رەسەي قارۋلى كۇشتەرىنىڭ رادياتسيالىق، حيميالىق جانە بيولوگيالىق قورعانىس اسكەرلەرىنىڭ باسشىسى گەنەرال-لەيتەنانت يگور كيريللوۆقا جاسالعان شابۋىل – ۋقق-دىڭ ارنايى وپەراتسياسى", – دەلىنگەن ۋكراينا قاۋىپسىزدىك قىزمەتىنىڭ مالىمدەمەسىندە.
سونداي-اق، BILD باسىلىمىنىڭ حابارلاۋىنشا، كيريللوۆ "تولىعىمەن زاڭدى نىسانا"رەتىندە اتالعان.
"كيريللوۆ – اسكەري قىلمىسكەر جانە تولىعىمەن زاڭدى نىسانا، ويتكەنى ول ۋكراين اسكەرىنە قارسى تىيىم سالىنعان حيميالىق قارۋدى قولدانۋعا بۇيرىق بەرگەن. مۇنداي ۇياتتى ءولىم ۋكرايندىقتاردى ولتىرگەندەردىڭ بارلىعىن كۇتۋدە. اسكەري قىلمىستار ءۇشىن جازالاۋ ءسوزسىز بولادى", – دەپ مالىمدەدى سبۋ وكىلدەرى.
ەسكە سالا كەتسەك، ماسكەۋدەگى ريازان داڭعىلىنداعى تۇرعىن ءۇيدىڭ جانىندا جارىلىس بولىپ, ەكى ادام قازا تاپقان. ونىڭ ءبىرى - گەنەرال يگور كيريللوۆ. اقپارات بويىنشا، تاڭەرتەڭ ريازانسك پروسپەكتىسىندە بولعان جارىلىستىڭ سەبەبى رەتىندە ساموكاتتىڭ رۋلىنە بەكىتىلگەن جارىلعىش قۇرىلعى كۇدىكتەلۋدە. ساراپشىلار جارىلىس جەردەن شامامەن ءبىر مەتر بيىكتىكتە بولعانىن، بۇل ساموكاتتىڭ ءرۋلىنىڭ ورنالاسۋىنا سايكەس كەلەتىنىن ايتادى. جارىلىس تولقىنى جاقىن ماڭداعى پاتەرلەردىڭ تەرەزەلەرىن سىندىرىپ، جارىلىس تاڭعى ساعات 6-دا تىركەلگەن.
اقپارات رەسمي تۇردە ءالى راستالعان جوق.
