قازاقستان تاۋەلسىزدىگىن نىعايتۋعا جانە باسقا دا ەرەكشە جەتىستىكتەرى ءۇشىن كورنەكتى تۇلعالارعا ارنالعان ەسكەرتكىشتەردى ەندى ءتىرى كەزىندە قويۋعا بولادى، دەپ حابارلايدى “ادىرنا” ۇلتتىق پورتالى قازتاگ اگەنتتىگىنە سىلتەپ.
2020 جىلعى 28 ساۋىردە قازاقستان رەسپۋبليكاسى مادەنيەت جانە سپورت ءمينيسترىنىڭ № 103 بۇيرىعىنا «مونۋمەنتالدى ونەر قۇرىلىمدارىن ورناتۋ ەرەجەلەرىن بەكىتۋ تۋرالى» وزگەرىستەر ەنگىزىلدى. ەندى كورنەكتى تۇلعاعا ەسكەرتكىش ورناتۋ ءۇشىن ونىڭ قايتىس بولعانىنا كەمىندە بەس جىل ءوتۋ كەرەك. تەك قانا باتىرلىق پەن ەرلىكتى كورسەتۋ، مەملەكەتتىڭ تاۋەلسىزدىگىن نىعايتۋعا ايتارلىقتاي ۇلەس قوسۋ جانە ماڭىزدى تاريحي وقيعالاردى جۇزەگە اسىرۋ جاعدايلارىندا بۇل مەرزىمگە شەكتەۋ قويىلمايدى.
وبلىس اكىمدىكتەرى ەسكەرتكىشتەردى مەملەكەتتىك جانە بيۋدجەتتىك ەمەس قارجى كوزدەرى ەسەبىنەن ورناتاتىن بولادى. ەسكەرتكىشتەر كورنەكتى تۇلعالاردىڭ مەرەيتويلارىنا، ماڭىزدى تاريحي وقيعالارعا وراي ورناتىلىپ، ۇكىمەتتىڭ قاۋلىسىمەن بەلگىلەنگەن. بۇل تۇلعانىڭ ەسىمى رەسپۋبليكالىق ونوماستيكالىق كوميسسيا بەكىتكەن تاريحي تۇلعالار تىزىمىندە بولۋى كەرەك.
سونىمەن قاتار، ءبىر ەلدى مەكەندە ءبىر كورنەكتى تۇلعاعا نەمەسە تاريحي وقيعاعا تەك ءبىر ەسكەرتكىش ورناتىلۋى مۇمكىن.
