قوستاناي وبلىسىنداعى تاس جولدا جول اپاتىنان ءۇش ادام مەرت بولدى. بۇل تۋرالى پوليتسيا دەپارتامەنتى جاريالادى، دەپ حابارلايدى “ادىرنا” ۇلتتىق پورتالى.
اقپاراتقا سايكنس، قايعىلى وقيعا قوستاناي – اۋليەكول – سۇرعان تاس جولىندا بولدى. ياعني، 16 جەلتوقساندا ساعات 15.00-دە قاراسۋ اۋدانى گەرتسەن كەنتىنەن 10 شاقىرىم قاشىقتىقتا. تاعى ءۇش ادام زارداپ شەكتى.
اپاتقا ايماق پوليتسەيلەرى تۇسىنىكتەمە بەردى. پد ءباسپاسوز قىزمەتى جول اپاتىنا ۇشىراعاندار Volvo جانە Toyota Alphard اۆتوكولىكتەرى ەكەنىن ناقتىلادى. قازا بولعانداردىڭ بارلىعى Toyota Alphard كولىگىندە بولعان.
«اپاتتان كەيىن العان جاراقاتتارىنان ءۇش ادام قايتىس بولدى، تاعى ۇشەۋى اۋداندىق اۋرۋحاناعا جاتقىزىلدى. پوليتسيا تەرگەۋ باستادى»، دەدى قوستاناي وبلىسىنىڭ پوليتسەيلەرى.
