ۇلىتاۋ وبلىسىنىڭ اكىمى داستان رىسپەكوۆ مەملەكەت جانە قوعام قايراتكەرى ءاليحان مۇحامەدياۇلى بايمەنوۆكە «ۇلىتاۋ وبلىسىنىڭ قۇرمەتتى ازاماتى» اتاعىن تابىس ەتتى.
«ءسىز تەك وبلىس توڭىرەگىندە عانا ەمەس، بۇكىل رەسپۋبليكاعا جانە شەتەلگە تانىمال تۇلعاسىز. ءبىز ءوزىڭىزدى جەرلەسىمىز رەتىندە ماقتان تۇتامىز جانە وزىڭىزگە قاراپ بوي تۇزەدىك. مەملەكەتكە جانە حالىق يگىلىگىنە سىڭىرگەن ەڭبەك جولىڭىزبەن كوپكە ۇلگى بولىپ جۇرە بەرىڭىز»،-دەدى ءوڭىر باسشىسى ءوز قۇتتىقتاۋىندا.
سونداي-اق جيىندا وبلىس اكىمى بار عۇمىرىن مەملەكەتتىك قىزمەتكە ارناعان بىرقاتار جەرلەسىمىزگە ۆەدومستۆولىق ماراپاتتار تابىس ەتتى. اتاپ ايتار بولساق، «مەملەكەتتىك قىزمەت ارداگەرى» ناگراداسى ۆالەنتين كۋپريانوۆقا، «قارجى قىزمەتىنىڭ ۇزدىگى» توسبەلگىسى - 40 جىلدان استام قارجى سالاسىندا قىزمەت ەتىپ زەينەتكە شىققان سايلاۋكۇل امانجولوۆاعا، ۇلىتاۋ اۋدانىنىڭ قارجى سالاسىندا 27 جىلدىق تاجىريبەسى بار، بۇگىنگى تاڭدا قارجى ءبولىمىن باسقارىپ كەلە جاتقان تاسبولات شايحينگە بەرىلدى.
ايتا كەتەيىك، 2022-2023 جىلدارى ءوڭىردىڭ ايتۋلى 10 تۇلعاسىنا «ۇلىتاۋ وبلىسىنىڭ قۇرمەتتى ازاماتى» اتاعى بەرىلگەن. كوميسسيا شەشىمىمەن بيىل رەسپۋبليكا كۇنىنە ارنالعان سالتاناتتى جيىندا تاعى بەس جەرلەسىمىزدىڭ ەسىمى ەرەكشە اتالعان بولاتىن. ءاليحان مۇحامەدياۇلى بايمەنوۆتىڭ بەلگىلى سەبەپتەرمەن راسىمگە قاتىسا الماۋىنا بايلانىستى بۇگىن تابىس ەتىلدى.
