قازاقستاننىڭ ەكس-پرەزيدەنتى 13 جەلتوقسان كۇنى رەسەي پرەزيدەنتى ۆلاديمير پۋتين نوۆو-وگارەۆودا كەزدەسۋ وتكىزىپ، سىرتقى ساياساتتى تالقىلادى، دەپ حابارلايدى "ادىرنا" ۇلتتىق پورتالى.
بۇل تۋرالى 14 جەلتوقساندا كرەملدىڭ رەسمي سايتىندا حابارلاندى.
«نوۆو-وگارەۆودا رەسەي پرەزيدەنتى ۆلاديمير پۋتين قازاقستاننىڭ تۇڭعىش پرەزيدەنتى نۇرسۇلتان نازارباەۆپەن كەزدەسۋ وتكىزدى»، – دەلىنگەن حابارلامادا.
يزۆەستيا مالىمەتىنشە، كەزدەسۋ بارىسىندا تالقىلانعان ماسەلەلەر تۋرالى تولىق مالىمەت بەرىلمەگەن.
نۇرسۇلتان نازارباەۆتىڭ رەسمي سايتىندا بۇل كەزدەسۋ تۋرالى اقپارات جوق.
ايتا كەتەيىك، 2023 جىلدىڭ 16 جەلتوقسانىندا ەكس-پرەزيدەنت نازارباەۆ ماسكەۋگە بارعان. كەيىننەن ماسكەۋ قالاسىندا رەسەي پرەزيدەنتى ۆلاديمير پۋتين مەن قازاقستاننىڭ بۇرىنعى باسشىسى نۇرسۇلتان نازارباەۆ جابىق كەزدەسۋ وتكىزگەن بولاتىن.
ال 2022 جىلى ەكس-پرەزيدەنت نازارباەۆ پرەزيدەنت پۋتينمەن كەزدەسكەن سوڭ:
"مەن تۋرالى كوپتەگەن باق بەتتەرىندە جاريالانعان اقپاراتتارعا كەلەر بولساق، 2019 جىلى پرەزيدەنت وكىلەتتىگىن قاسىم-جومارت توقاەۆقا تاپسىردىم. سودان بەرى مەن زەينەتكەرمىن", - دەپ مالىمدەگەن.
ەسكە سالا كەتەيىك، رەسەي پرەزيدەنتى ۆلاديمير ءپۋتيننىڭ رەسمي كەستەسىندە سيريانىڭ بۇرىنعى پرەزيدەنتىمەن كەزدەسۋ جوق ەكەنى، سول سەبەپتى ول باشار اسادتى قابىلداماعانى حابارلانعان بولاتىن.
