1991 جىلى 10 جەلتوقساندا الماتىدا اشىلعان جوعارعى كەڭەستىڭ جەتىنشى سەسسياسىندا قازاق كسر-ءىن "قازاقستان رەسپۋبليكاسى" دەپ اتاۋعا شەشىم قابىلدادى. زاڭعا نۇرسۇلتان نازارباەۆ قول قويدى.
وسىدان كەيىن الماتىداعى رەسپۋبليكا سارايىندا پرەزيدەنت رەتىندە نۇرسۇلتان نازارباەۆتىڭ انت بەرۋ ءراسىمى ءوتتى. قازاقستان جوعارعى كەڭەسىنىڭ قاۋلىسىمەن پرەزيدەنت ءوز قىزمەتىنە كىرىستى.
1991 جىلى 1 جەلتوقساندا قازاقستاندا تۇڭعىش رەت پرەزيدەنتتىڭ بۇكىلحالىقتىق سايلاۋى وتكەن. وسى ارقىلى نازارباەۆ تۇڭعىش رەت جالپىحالىقتىق سايلاۋدان كەيىنگى بيلىككە قادام باستى.
1991 جىلعى 16 جەلتوقساندا قازاق كسر جوعارعى كەڭەسى رەسپۋبليكانىڭ مەملەكەتتىك تاۋەلسىزدىگىن جاريالادى.
سول ۋاقىتتىڭ ەستەلىگىن نازارباەۆ ءوزىنىڭ «تاۋەلسىزدىك تاعلىمى» اتتى ماقالاسىندا جازدى.
1997 جىلى10 جەلتوقساندا ەلوردانى الماتىدان اقمولاعا اۋىستىرۋ رەسمي تۇردە جاريالاندى.
