بەلارۋس پرەزيدەنتى الەكساندر لۋكاشەنكو «ەكسترەميستىك» قىلمىسى ءۇشىن سوتتالعان 29 ادامعا راقىمشىلىق جاسادى. بۇل تۋرالى پرەزيدەنتتىڭ ءباسپاسوز قىزمەتى جاريالادى، دەپ حابارلايدى “ادىرنا” ۇلتتىق پورتالى.
مالىمەت بويىنشا، «ەكسترەميستىك» قىلمىسى ءۇشىن سوتتالعاندار جاساعان ارەكەتتەرىنە وكىنەتىنىن ايتىپ، كەشىرىم سۇراعان.
اقپاراتقا سايكەس، راقىمشىلىق جاسالعانداردىڭ ىشىندە 11 ايەل، 18 ەر ادام، ونىڭ ىشىندە 25 جاسقا دەيىنگى التى ادام، ءۇش زەينەتكەر، ەكى مۇگەدەك، 15 سوزىلمالى اۋرۋمەن اۋىراتىندار بار. بەلارۋس ىشكى ىستەر مينيسترلىگىنىڭ قىزمەتكەرلەرى بوستاندىققا شىققانداردىڭ زاڭعا باعىنۋ ارەكەتتەرىن قاداعالايتىن بولادى.
بيىل بەلارۋستەگى ساياسي تۇتقىندارعا وسىمەن التىنشى رەت راقىمشىلىق جاسالدى.
