الماتى قالاسىنىڭ توتەنشە جاعدايلار دەپارتامەنتى 8 جەلتوقساندا اۋا رايىنىڭ كۇرت ناشارلايتىنىن ەسكەرتتى. مامانداردىڭ ايتۋىنشا، قالادا قار جاۋىپ، تۇمان ءتۇسىپ، كوكتايعاق بولۋى مۇمكىن، دەپ حابارلايدى "ادىرنا" ۇلتتىق پورتالى.
جاياۋ جۇرگىنشىلەرگە كوكتايعاقتا اباي بولىپ، تايعاناۋ قاۋپىن ەسكەرۋ.
كولىك جۇرگىزۋشىلەرىنە جىلدامدىقتى ازايتىپ، اراقاشىقتىقتى ساقتاۋ، تەجەگىشتى كۇرت باسپاۋ جانە قاۋىپتى ايماقتاردان اۋلاق ءجۇرۋ ۇسىنىلادى. اعاشتاردىڭ، ەلەكتر جەلىلەرىنىڭ جانە باسقا دا بەكىتىلمەگەن قۇرىلىمداردىڭ استىنا كولىكتەردى قويماۋ قاجەت.
قالانىڭ كوممۋنالدىق قىزمەتتەرى اۋا رايىنىڭ ناشارلاۋىنا دايىندىقتى كۇشەيتسە، تۇرعىندارعا جولعا شىعۋ الدىندا اۋا رايى بولجامىن تەكسەرۋ ۇسىنىلادى.
"جاۋىن-شاشىن تۋرالى ەسكەرتۋ نەگىزىندە اۆتوكولىك يەلەرىنە اعاشتاردىڭ، ەلەكتر جەلىلەرىنىڭ جانە باسقا دا بەكىتىلمەگەن قۇرىلىمداردىڭ استىنا اۆتوكولىكتەردى قويماۋعا كەڭەس بەرەدى", - دەلىنگەن تجم حابارلاماسىندا.
