2025 جىلى ۋكراينا قارۋلى كۇشتەرى 30 مىڭنان استام ۇزاق قاشىقتىققا ۇشاتىن DeepStrike دروندارىن الادى. بۇل تۋرالى بەيسەنبى كۇنى كەشكە Facebook-تە ەلدىڭ قورعانىس مينيسترلىگىنىڭ باسشىسى رۇستەم ۋمەروۆ جاريالادى، دەپ حابارلايدى “ادىرنا” ۇلتتىق پورتالى.
ونىڭ ايتۋىنشا، بۇل ۋكراينادا جاسالعان جاڭا دروندار. ولار ۇزاق قاشىقتىقتا اۆتونومدى جۇمىس ىستەي الادى جانە نىساناعا جوعارى دالدىكپەن سوققى بەرەدى.
ر. ۋمەروۆتىڭ ايتۋىنشا، درونداردىڭ ءبىر بولىگىن ۋكرايناعا حالىقارالىق سەرىكتەستەر قارجىلاندىرعان، ولار ەلدىڭ قورعانىس-ونەركاسىپ كەشەنىنە ينۆەستيتسيا سالعان.
مينيستر سونداي-اق DeepStrike دروندارىن ازىرلەۋ ۋكراينا ءۇشىن سوعىس جاعدايىندا دا ەڭ جاڭا وندىرىستىك تەحنولوگيالاردى دامىتۋ قابىلەتىن كورسەتەتىنىن ەرەكشە اتاپ ءوتتى.
