اۋىل شارۋاشىلىعى مينيسترلىگى كوميتەتىنىڭ بۇرىنعى توراعاسى دارحان ابدىكارىموۆكە ۇكىم شىقتى. بۇل تۋرالى قوستاناي قالاسىنىڭ №2 سوتى مالىمدەدى، دەپ حابارلايدى “ادىرنا” ۇلتتىق پورتالى.
سوتتىڭ حابارلاۋىنشا، 2024 جىلدىڭ ماۋسىم ايىندا ابدىكارىموۆ قوستانايدا جشس ديرەكتورىنىڭ بىرىنەن 2 ملن تەڭگە پارا العان. سول جىلدىڭ تامىزىندا 78 125 000 تەڭگە سوماسىنا ءبىر كوزدەن الۋ تاسىلىمەن پەستيتسيدتەردى ساتىپ الۋ تۋرالى شارت جاساسقانى ءۇشىن 2,4 ملن تەڭگە تاعى العان.
تەرگەۋ بارىسىندا كۇدىكتىلەر قىلمىس جاساعانىن مويىنداپ، وكىنىش بىلدىرگەن.
پروكۋرور سوتتان شەنەۋنىكتى 3,6 جىلعا، ال كاسىپكەرلى 3 جىلعا سوتتاۋدى سۇرادى.
سوت ۇكىمىمەن ابدىكارىموۆ 3 جىل 6 اي مەرزىمگە، ال كاسىپكەر 3 جىل مەرزىمگە باس بوستاندىعىنان ايىرىلدى. شەنەۋنىك العان پارا مەملەكەت كىرىسىنە تاركىلەنەدى.
