الماتىدا 21 جاستاعى جىگىتتى جۇمىس ورنىندا جۇك ءليفتى باسىپ قالىپ، وقيعا ورنىندا قازا تاپتى، دەپ حابارلايدى "ادىرنا" ۇلتتىق پورتالى كتك تەلەارناسىنا سىلتەمە جاساپ.
قايعىلى وقيعا لوگيستيكالىق كومپانيانىڭ جەكە قويماسىندا ورىن العان. بۇل جۇمىسقا ول جاقىندا عانا ورنالاسقان. ونىڭ ناقتى لاۋازىمى جاريالانبادى.
الدىن الا مالىمەتتەرگە سۇيەنسەك، ليفت شاحتاسىندا دانەكەرلەۋ جۇمىستارىن جۇرگىزىپ جاتقان كەزدە وعان جۇك ءليفتى قۇلاپ كەتكەن. جىگىت العان جاراقاتتارىنان وقيعا ورنىندا قايتىس بولدى. جۇمىس بەرۋشىلەر تۇسىنىكتەمە بەرۋدەن باس تارتتى.
پوليتسيا ەڭبەك قاۋىپسىزدىگى ەرەجەلەرىن بۇزۋ فاكتىسى بويىنشا قىلمىستىق ءىس قوزعاعانىن مالىمدەدى.
"ەڭبەك قاۋىپسىزدىگى ەرەجەلەرىن بۇزۋ فاكتىسى بويىنشا تۇركسىب اۋدانى پوليتسيا باسقارماسى قىلمىستىق ءىس قوزعادى. ادام ءولىمىنىڭ سەبەبىن انىقتاۋ ءۇشىن سوت-مەديتسينالىق ساراپتاما تاعايىندالدى. تەرگەۋ ءىس-شارالارى جۇرگىزىلۋدە،" – دەپ مىلڭمدەدى الماتى قالاسى پوليتسيا دەپارتامەنتىنىڭ رەسمي وكىلى سالتانات ازىربەك.
