الەمدى جاۋلاعان پاندەميا كەزىندە ادام ساۋداگەرلەرى قيىن جاعدايدى پايدالانىپ، قىلمىستىق ارەكەتتەرىن كۇشەيتتى. بۇل دەرەكتى بىرىككەن ۇلتتار ۇيىمىنىڭ ءوزى راستاعان ەدى.
ادام ساۋداسى بارلىق ەلدەردە ەرەكشە ورىن الادى. دۇنيە جۇزىندە جۇزدەگەن مىڭ ادام وسىنداي قىلمىستاردىڭ قۇربانىنا اينالادى. ولار سەكسۋالدىق نەمەسە ەڭبەك قاناۋ، قارۋلى كۇشتەرگە شاقىرۋ، قىلمىستىق ارەكەتتەرگە قاتىسۋ، قايىر سۇراۋ نەمەسە ءتىپتى ومىرلىك ماڭىزدى مۇشەلەردى ساتۋ ماقساتىندا الىپ تاستاۋ ءۇشىن ساتىلادى.
پاندەميا بۇل ماسەلەنى ودان سايىن قيىنداتىپ جىبەردى. قىلمىسكەرلەر حالىقتىڭ جاعدايىن پايدالانىپ، كۇنكورىسسىز قالعانداردى ءوز جەلىلەرىنە تارتا باستادى. ولار كوپ ادامنىڭ تابىسسىز قالعانىن، ال بالالاردىڭ مەكتەپكە بارماي، ۋاقىتىنىڭ كوپ بولىگىن ينتەرنەتتە وتكىزەتىنىن جەكە باس مۇددەلەرىنە قولدانادى.
سونىمەن قاتار، پاندەميا كەزىندە قوزعالىستى شەكتەۋ، حالىقارالىق رەيستەردى توقتاتۋ جانە باسقا دا كوروناۆيرۋستىڭ تارالۋىن تەجەۋ شارالارى ادام ساۋداسىنىڭ قۇرباندارىنىڭ قاشاتىن جەرى جانە كومەك سۇرايتىن ەشكىمنىڭ قالماۋىنا اكەلدى. دەگەنمەن، جاڭا ەسەپتە بىرقاتار ۇكىمەتتىك ەمەس ۇيىمدار بارلىق وسى شەكتەۋلەرگە قاراماستان، زارداپ شەككەندەرگە نەگىزگى قىزمەتتەردى كورسەتۋدى جالعاستىرىپ جاتىر.
ولار ادامداردى جۇمىسقا ورنالاستىرامىز دەپ جالعان ۋادەلەرمەن اربايدى. قازىرگى قۇل ساۋداسىنىڭ قۇرباندارى ەڭبەك قاناۋىنا ۇشىرايدى. بۇل اقيقات.
داعدارىس كەزىندە بالالار وتە وسال جاعدايدا قالدى. قىلمىسكەرلەر الەۋمەتتىك جەلىلەردى جانە باسقا دا ونلاين-پلاتفورمالاردى جۇمىسقا تارتۋ ءۇشىن سۇرانىس ايتارلىقتاي وسكەن.
تالداۋلارعا سۇيەنسەك، داعدارىس كەزىندە قىلمىس كوبەيەدى. سەبەبى، ادام ساۋداگەرلەرى «جاڭا جاعدايلارعا» تەز بەيىمدەلدى.
