الماتى وبلىسىندا مەكتەپ ماڭىندا جول-كولىك وقيعاسى بولىپ، 7 جاستاعى بالا قازا تاپتى، دەپ حابارلايدى "ادىرنا" ۇلتتىق پورتالى.
قايعىلى جاعداي "اسىل ارمان" تۇرعىن ءۇي كەشەنىنىڭ جانىندا ورىن العان.
كۋاگەرلەردىڭ ايتۋىنشا، مەكتەپ جانىنداعى بۇل ورىن جاياۋ جۇرگىنشىلەرگە قاۋىپتى. ويتكەنى مۇندا جاياۋ جۇرگىنشىلەر وتكەلى مەن ايالداما جوق.
الماتى وبلىسىنىڭ پوليتسيا دەپارتامەنتىنىڭ ءباسپاسوز قىزمەتى حابارلاعانداي، وقيعا 27 قاراشادا يرگەلى اۋىلىنداعى "اسىل ارمان" تۇرعىن ءۇي كەشەنىنىڭ اۆتوتۇراعىندا بولعان. JAC ماركالى اۆتوبۋستىڭ جۇرگىزۋشىسى ارتقا ءجۇرىپ، 7 جاستاعى بالانى قاعىپ كەتكەن. بالا العان جاراقاتتارىنان وقيعا ورنىندا قازا تاپقان.
"قازىرگى ۋاقىتتا سوتقا دەيىنگى تەرگەۋ جۇرگىزىلۋدە. ونىڭ ناتيجەلەرى بويىنشا پروتسەسسۋالدىق شەشىم قابىلدانادى", – دەپ اتاپ ءوتتى ۆەدومستۆو وكىلدەرى.
