ءبىزدىڭ ۋاقىت دەگەن ول UTC+5, ياعني، قازاق جەرىنىڭ باسىم بولىگى جاتقان بەلدەۋدەگى ۋاقىت.
استانا، الماتى، شىمكەنت، سەمەي، پاۆلودار، وسكەمەن، پەتروپاۆل دەگەن ۇلكەن قالالار وسى بەلدەۋدە جاتىر.
كۇللى قازاقستان حالقىنىڭ 76%-ى، ياعني، 15 ميلليوننان استام ادام وسى بەلدەۋدىڭ گەوگرافيالىق ساعاتىمەن ءومىر سۇرەدى.
بۇگىن ۇكىمەتتە ساۋدا جانە ينتەگراتسيا ءمينيسترى ارمان شاققاليەۆ وتكىر مالىمدەمە جاسادى.
"كەڭەستىك كەزەڭدە قازاقستانداعى ساعات 8 رەت اۋىسقان! جوسپار ورىنداۋ كەرەۋ، سوتساليستىك جارىس ۇيىمداستىرۋ كەرەك بولدى، ەكونوميكاعا كەرەك بولدى. وسى سەبەپتەن دە ءبىز ەشقاشان تابيعي ۋاقىتپەن ءجۇرىپ كورمەدىك. ال، قازىرگى ءومىر ءسۇرىپ وتىرعان ۋاقىتىمىز ول گەوگرافيالىق ۋاقىت، تابيعي ۋاقىت. ارنايى ءبىلىمى جوق، تۇسىنىگى شامالى ادامدار ەل ىشىنە ءارتۇرلى اڭگىمە تاراتىپ، ۋاقىتتى كەرى قايتارۋعا ارەكەت ەتىپ جاتقانىن بىلەمىن. بىراق، ول ارەكەت زايا. قازىرگى ۋاقىتتىڭ تيىمدىلىگىن ەنەرگەتيكا مينيسترلىگى دە ماقۇلداپ وتىر، ەلەكتر قۋاتىن تۇتىنۋدا وزگەرىس جوق. دەنساۋلىق ساقتاۋ مينيسترلىگى دە تولىق تەكسەرۋ جاساپ، حالىق ساۋلىعىنا قالاي اسەر ەتكەنىن قاداعالاپ وتىر. سوندىقتان، ەلدى دۇرلىكتىرە بەرمەي، تىنىش ءجۇرۋ كەرەك"- دەدى شاققاليەۆ.
شىعىس قازاقستاننىڭ شەتكى اۋداندارى، ريددەر قالاسى UTC+6 بەلدەۋىنە جاتادى، الايدا، ءبىر اۋدان ءۇشىن ءبىر بەلدەۋ ۇستاۋدىڭ نە قاجەتى بار؟
كەشە ءبىر شىعىستىڭ ادامى قاتون-قاراعايداعى بارلىق اۋىلىنىڭ ءبىر ۆيدەوسىن جىبەرىپتى. "كۇن باتىپ بارا جاتىر، ساعات 13:45 بولدى" دەپتى.
مەن ايتام: ول كۇن بىلتىر 14:45 تە باتتى. ال، سول ءبىر ساعاتتان نە وزگەرەدى؟ نە ىستەي الاسىڭ ءبىر ساعاتتا؟
وزگەرتسەڭ ءبىرجولا 5 ساعاتقا وزگەرت، قىستا 18:45 تە كۇن باتاتىن ەتىپ. بولماسا، "14:45 تە كۇن باتاتىن بولسىن" دەپ داۋ شىعارۋدىڭ، "بىلتىرعى ۋاقىتتى قايتار" دەپ زار يلەۋدىڭ قانداي ءمانى بار؟
وتكەندە شىعىس قازاقستاننان سايلانعانى بار، سايلانباعانى بار دەپۋتاتتار مالىمدەمە جاساعان، "ۇيتەمىز دە بۇيتەمىز، ۋاقىتتى كەرى قايتارامىز" دەپ... بۇگىن شاققاليەۆتى ەستىدى، ەرتەڭ پلەناركادان كەيىن نە دەر ەكەن.
الماس التاي
