وتكەندە Shyńǵys Muqan اعا، “Coffee Book”- ءتى جاۋىپ جاتىرمىن. ءوزىن-ءوزى اقتاماي، ساقتاپ قالۋعا مۇمكىندىك بولمادى دەگەن كەزدە قاتتى وكىنگەن ەدىم. ادەمى جوبا، ۇلتتى ينتەللەكتۋالدى دامىتۋعا جەتەلەيتىن جوبا ءومىر سۇرگەنى دۇرىس ەدى دەپ وكىندىم.
بۇگىن ۋنيۆەرسيتەت قابىرعاسىنان اشىلعانىن كورىپ، قۋانىپ قالدىم.
ءيا، بيزنەستىڭ شارتى دا، ويىنى دا ادىلەتسىز ويىن. وعان ەموتسيا دا، پاتريوتتىق تا، ۇلتشىلدىق تا، ادامگەرشىلىك تە قاس. ءوز ەرەجەسىمەن ويناماساڭ، ءوز ەرەجەسىنە باعىنباساڭ قۇردىمعا جىبەرە سالادى. ونىڭ ارتى تىعىرىق.
بيزنەس جەتەكشىلەرى بيزنەس جاساۋدا ءبىرىنشى ماقساتىڭ ەكونوميكاڭدى رەتتەۋ بولماسا، ەكونوميكاڭدى دۇرىس باسقارماساڭ، تيىمدىلىگىن ارتتىرماساڭ ۇزاققا بارمايسىڭ دەيدى.
ءيا، ۇلتتىق مەكتەپتەر جەلىسىن قالىپتاستىرام دەپ، QAZBILIM-ءدى بيزنەستىك جوبا ەمەس، الەۋمەتتىك جوبا دەپ بارىمدى سالىپ، 10 جىلعا جۋىق جىلىنا ۇزدىكسىز 365 كۇن 24/7 بارىمدى سالدىم. اسىرەلەۋ سەكىلدى كورىنەر. بىراق، سوڭعى ءۇش جىل ءتىپتى ءوزىمدى ءوزىم قاتتى ۇرىپ جىبەردىم.
بىراق، سوڭعى 1,5 جىل وتە اۋىر كۇيدە ءجۇرمىن. ومىرىمدە وتە ۇلكەن قۇرباندىقتار دا بەردىم. دەنساۋلىقتا ويلانتا باستادى. كەيدە قولىڭدى ءبىر سىلتەگىڭ كەلەدى. جوق، ماقساتقا جەتپەي تىنباۋ كەرەك دەپ قايتادان ارپالىساسىڭ. جىگەرىڭ مۇقالادى.
نەگە؟
سەبەبى، ارەندا ءۇشىن، كومۋنالدىق تولەمدەر مەن مەملەكەتكە تولەيتىن سالىق ءۇشىن جۇمىس ىستەيسىڭ. قالانىڭ مەكتەپكە ساي عيماراتىنىڭ ارەنداسى جىل 12 ايدا بۇكىل كىرىسىڭدى قاعادى. تەنتىرەتىپ جىبەرەدى.
وقۋ اقىسىن ءسال كوتەرسەڭ اتا-انانىڭ قولى جەتپەيدى. وقىعىسى كەلگەن ءبىلىمدى بالا تولەي المايدى.
ال، كوتەرمەسەڭ ارەندا ەسىگىڭدى، مەملەكەتتىك سالىقتار شوتىڭدى جابادى. سوسىن وتىراسىڭ شاقشاداي باسىڭ شاراداي بوپ. تىم اۋىر.
بىردە بيزنەسمەن مارعۇلان سەيسەمباي پاتريوتتىق - بيزنەستىڭ جاۋى، بيزنەس ءپاتريوتيزمنىڭ دوسى دەپ ەدى. ىپ-راس. وسى كۇنى ءدال سونى ءوزىم قاتتى سەزىنىپ ءجۇرمىن.
وتكەندە سول شىڭعىس اعا، COFFEE BOOK-ءتى جاپتىم دەگەندە دە وسى وي كەلدى. وزىمدەگى قيىندىقتار تۋرالى ويلاپ، شاكەڭدى ءتۇسىندىم.
ءوزىم دە ءبىر كۇن وسى كۇيگە تۇسپەسەم ەكەن دەپ ودان سايىن قورىقتىم.
QAZBILIM - ۇلتتىق مەكتەپتەر جەلىسى ۇلتتىڭ بولاشاعى، ەلدىڭ بولاشاعى ءۇشىن جاسالىپ جاتقان جانكەشتى جوبام. بۇنداي دۇنيەگە دەمەۋشى دە، ينۆەستور دا تابۋ تىم قيىن. سەبەبى، بيزنەس كوزىمەن قاراعان جۇرتتىڭ شارتىنا كونە المايسىڭ.
نيەت دۇرىس قوي دەپ، ارپالىسىپ كەلەمىز. قۇداي ءبىر رەتىن تابار دەپ، الىسامىز. سول ساتتە بىرەۋلەر تۇسىنبەي جاعاڭا، بىرەۋلەر كورە الماي بالاعىڭا جارماسقاندا: وو، اتاڭا نالەت دەپ ايعاي سالعىڭ كەلەدى. ايعاي سالعىڭ كەلەدى.
اياتجان احمەتجانۇلى
