پرەزيدەنت قاسىم-جومارت توقاەۆ اۋىل شارۋاشىلىعى قىزمەتكەرلەرى فورۋمىندا الداعى جالپىعا بىردەي دەكلاراتسيا تۋرالى مالىمدەمە جاسادى، دەپ حابارلايدى "ادىرنا" ۇلتتىق پورتالى.
مەملەكەت باسشىسى دەكلاراتسيا اسىعۋدىڭ قاجەتى جوق ەكەنىن ەسكەرتتى.
«جالپىعا بىردەي تابىس دەكلاراتسياسى تۇجىرىمداماسى 14 جىل بۇرىن قابىلدانعان. وسى ۋاقىت ىشىندە ەل تسيفرلاندىرۋ جانە فينتەح سالالارىندا ايتارلىقتاي جەتىستىكتەرگە جەتتى. ءتۇرلى مەملەكەتتىك ورگانداردىڭ دەرەكتەر بازاسىنىڭ ينتەگراتسياسى قامتاماسىز ەتىلدى. قارجىلىق جانە سالىقتىق باقىلاۋ كۇشەيتىلدى. وسى اۋقىمدى وزگەرىستەردى ەسكەرە وتىرىپ، ءتورتىنشى جانە سوڭعى كەزەڭگە جاتاتىن ازاماتتاردىڭ دەكلاراتسيا تاپسىرۋىنىڭ ورىندىلىعى تۋرالى ماسەلە تۋىندايدى. ۇكىمەت بۇل ماسەلەنىڭ شەشىمىن تابۋى كەرەك»، - دەدى پرەزيدەنت.
ايتا كەتەيىك، 2024 جىلدىڭ 1 قاڭتارىنان باستاپ قازاقستاندا ەكى ميلليوننان استام ادام جالپىعا بىردەي دەكلاراتسيالاۋدىڭ ءۇشىنشى كەزەڭى اياسىندا اكتيۆتەرى مەن مىندەتتەمەلەرى تۋرالى دەكلاراتسيانى ۇسىنۋعا مىندەتتى بولاتىن.
