پاۆلودارداعى اليۋميني زاۋىتىنىڭ اۋماعىندا ورنالاسقان №1 جىلۋ-ەنەرگيا ورتالىعىندا ءورت شىقتى. بۇل تۋرالى كومپانيا وكىلدەرى مالىمدەدى، دەپ حابارلايدى “ادىرنا” ۇلتتىق پورتالى.
كومپانيا وكىلدەرى وقيعانىڭ جەو جۇمىسىنا اسەر ەتپەيتىنىن اتاپ ءوتتى،
«ەۋروازياتتىق ەنەرگەتيكالىق كورپوراتسياسى» اق-نىڭ PR-قىزمەتى ءورت وقيعاسى «اليانس پۆ ستروي» مەردىگەر كومپانياسى ەلەكتر ستانساسىندا بۇزىپ جاتقان گراديرنيادا بولعان دەگەن حابار تاراتتى
«قازاقستان ءاليۋمينيى» اق فيليالى — «ەلەكتر ستانتسياسى» اۋماعىندا «اليانس پۆ ستروي» مەردىگەر ۇيىمى سالقىنداتقىش مۇنارانى بولشەكتەۋ جۇمىستارىن جاۋاپتانعان. بولشەكتەۋ جۇمىستارى اياقتالعاننان كەيىن، تۇسكە تامان بۇل اۋماقتان ءتۇتىن شىققانى انىقتالدى. بۇل تۋرالى قۇزىرلى تسەحتىڭ ينجەنەر-تەحنولوگى دەرەۋ حابارلادى. اقپارات ستانسا اۋىسىمىنىڭ باستىعىنا جەتكىزىلىپ، ول دەرەۋ مەملەكەتتىك ەمەس ورتكە قارسى جانە توتەنشە جاعدايلار قىزمەتىنە قوڭىراۋ شالعان. جالىندى قولداناتىن جۇمىستار جۇرگىزۋگە بەرىلگەن رۇقسات پەن نارياد تاركىلەندى. زارداپ شەككەندەر جوق. قازىرگى ۋاقىتتا ءورت ءسوندىرۋ بولىمشەسى وقيعا ورنىندا جۇمىس ىستەپ جاتىر، - دەپ مالىمدەدى «ەۋروازياتتىق ەنەرگەتيكالىق كورپوراتسياسى» اق-نىڭ PR-قىزمەتىنەن.
كومپانيا وكىلدەرى ءورت № 1 جەو-نىڭ جۇمىسىنا اسەر ەتپەيدى دەپ سەندىرىپ وتىر.
