رەسەيدىڭ سىرتقى ىستەر ءمينيسترى قازاقستاندا اەس سالۋ ماسەلەسىنە قاتىستى ءوز ۇسىنىستارىن ايتتى، دەپ حابارلايدى "ادىرنا" ۇلتتىق پورتالى.
بۇل تۋرالى قازتاگ اگەنتتىگى مالىمدەدى.
«رەسەي كومەكتەسۋگە عانا ەمەس، ناقتى ۇسىنىستارىن دا بەرىپ ۇلگەردى»، – دەدى سەرگەي لاۆروۆ استاناداعى مەملەكەتتىك باسقارۋ اكادەمياسىنىڭ ديپلوماتيا ينستيتۋتىندا سويلەگەن سوزىندە.
ونىڭ سوزىنشە، رەسەي بيلىگى قازاقستاندا اەس سالۋ ماسەلەسىنە ارنالعان رەفەرەندۋمنىڭ بارىسى مەن ناتيجەلەرىن باقىلاعان. لاۆروۆ «روساتوم» كورپوراتسياسى ءوزىنىڭ بارلىق بىلىكتىلىگىن ۇسىنۋعا جانە ىنتىماقتاسۋعا تولىقتاي دايىن ەكەنىن دە اتاپ ءوتتى.
ەسكە سالا كەتسەك، قازاقستاندا اەس سالۋ تۋرالى رەفەرەندۋمدا وڭ شەشىم قابىلداندى. ەنەرگەتيكا ءمينيسترى اەس-كە قاتىستى ارنايى ۇكىمەتتىك كوميسسيا قۇرىلاتىنىن ايتقان. بۇل كوميسسيا كونكۋرستىق پروتسەسكە قاتىساتىندارمەن اشىق كونكۋرستىق ديالوگتى باستاماق.
