پاۆلوداردا ءجاسوسپىرىم قىزدى زورلاعان ەر ادام 20 جىلعا باس بوستاندىعىنان ايىرىلدى. قىلمىستىق ءىس جابىق سوت وتىرىسىندا قارالدى، دەپ حابارلايدى “ادىرنا” ۇلتتىق پورتالى.
وبلىستىق قىلمىستىق ىستەر جونىندەگى مامانداندىرىلعان اۋدانارالىق سوتتا ەر ادامعا ەر ادامعا قاتىستى كامەلەتكە تولماعاندى زورلاۋ جانە جىنىستىق سيپاتتاعى زورلىق-زومبىلىق جاساۋ دەرەگى بويىنشا (قىلمىستىق كودەكستىڭ 120-بابى، 3-2-بولىگى، 3-تارماعى، قىلمىستىق كودەكستىڭ 121-بابى 3-2-بولىگى 3-تارماعى) بويىنشا قىلمىستىق ءىس قارالدى. سوت پروتسەسى جابىق ءوتتى.
پروكۋرور ايىپتالۋشىنى 20 جىلعا باس بوستاندىعىنان ايىرۋدى سۇرادى.
سوتتالۋشى ءوز كىناسىن تولىق مويىنداپ، جاساعان ارەكەتىنە وكىنەتىنىن ايتتى. ادۆوكات سوتتان ايىپتالۋشىنىڭ اۋىرۋىنا بايلانىستى جازانى وتەۋدى كەيىنگە قالدىرۋدى سۇرادى.
ايىپتالۋشىنىڭ كىناسى سوت-مەديتسينالىق ساراپتامالارىنىڭ قورىتىندىسىمەن، جابىرلەنۋشىنىڭ جانە كۋاگەرلەردىڭ ايعاقتارىمەن جانە ءىس بويىنشا جينالعان باسقا دا دالەلدەرمەن دالەلدەندى.
“سوت ءىستىڭ ءمان-جايىن ەسكەرىپ، ەر ادامدى 20 جىلعا باس بوستاندىعىنان ايىرۋ جازاسى تاعايىندادى”، - دەپ جازىلعان سوت تاراتقان حابارلامادا.
ايىپتالۋشى بالالارمەن جۇمىس ىستەۋ قۇقىعىنان ءومىر بويىنا ايىرىلدى.
ۇكىم زاڭدى كۇشىنە ەنگەن جوق.
