Telegram ۆيدەوپلاتفورما بولماق. بۇل تۋرالى 1 قاراشادا پاۆەل دۋروۆ Telegram-نىڭ ۆيدەوعا قاتىستى جاڭا جاڭارتۋلارىن جاريالادى، دەپ حابارلايدى ”ادىرنا” ۇلتتىق پورتالى.
ول Telegram ۆيدەوپلاتفورما بولۋعا العاشقى قادام جاساعانىن اتاپ ءوتتى.
“بۇعان دەيىن كانالدارداعى بەينەلەر جۇكتەلگەن فورماتتا كورسەتىلەتىن، بۇل پايدالانۋشىلاردان گيگابايتتاردى جۇكتەپ، قىسقا كليپتەردى كورۋ ءۇشىن كۇتۋىن تالاپ ەتەتىن. الايدا بۇگىنگى جاڭارتۋمەن Telegram سەرۆەرلەرى تانىمال بەينەلەردى بىرنەشە ساپا نۇسقاسىنا سىعىپ، ولاردى بىردەن كورسەتۋ ءۇشىن وڭتايلاندىرادى. ەندى ءسىز ۆيدەو كورگەندە، Telegram اۆتوماتتى تۇردە بايلانىس جىلدامدىعىنا نەگىزدەلگەن ەڭ قولايلى ساپانى تاڭدايدى", – دەپ جازدى ول.
Telegram ءباسپاسوز قىزمەتى جاڭارتۋلار تۋرالى قوسىمشا اقپارات بەردى. جاڭارتۋداعى نەگىزگى وزگەرىستەر تومەندەگىدەي:
- جۇكتەۋدى جىلدامداتۋ;
- ۆيدەونى كورۋ كەزىندە ساپانى جاقسارتۋ جانە جىلدامدىقتى باسقارۋدى جاڭارتۋ;
- حابارلامالاردىڭ سوڭعى وزگەرتۋ ۋاقىتى;
- جىبەرىلگەن حابارلامالارعا فوتوسۋرەتتەر مەن بەينەلەردى تىركەۋ;
- ميني-قوسىمشالار ءۇشىن شەكتەۋلەردىڭ ۇلعايۋى;
- دامىتۋشىلار ءۇشىن جاڭا مونەتيزاتسيا مۇمكىندىكتەرى جانە تاعى باسقا.
