“ادىرنانىڭ” يۋتۋب ارناسىندا جاڭا سۇحبات جاريالاندى. ستۋديانىڭ كەزەكتى قوناعى ەلگە بەلگىلى ەكونوميست، ساراپشى - ماقسات حالىق.
ەكونوميست ەلدەگى كاسىپكەرلىكتىڭ دامۋى، ەكونوميكالىق جاعدايى تۋرالى ايتتى. سوڭعى وتكەن فورۋم تۋرالى اڭگەمەلەستى. بۇل فورۋمدا 400-گە جۋىق كاسىپكەر باس قوسىپ، دامۋعا، يننوۆاتسياعا جانە سەرىكتەستىككە باعىتتالعان ماسەلەلەردى تالقىلادى. ءىس-شارا ءۇش نەگىزگى باعىتتا ءوتتى: دامۋعا ارنالعان يدەيالار، جاڭا تەحنولوگيالاردى ەنگىزۋ ولاردى قالاي قولدانۋ تاسىلدەرى جانە موتيۆاتسياعا نەگىزدەلگەن سەرىكتەستىك مۇمكىندىكتەرى. فورۋمنىڭ باستى جاڭالىعى – Sana بيزنەس اكادەمياسىنىڭ قۇرىلۋى. اكادەميا بولاشاقتا رەسمي ليتسەنزيا الۋعا نيەتتەنۋدە جانە قازاق تىلىندە ساپالى بيزنەس-كونتەنت ۇسىنۋعا باعىتتالعان. بەينەجازبادا كاسىپكەرلەردىڭ دامۋعا قاتىستى كەڭەستەرى مەن تاجىريبەلەرىمەن بولىسۋىنە مۇمكىندىك بەرىلگەن. جاس كاسىپكەرلەرگە ىزدەنۋ، بيزنەسكە قاتىستى دۇرىس كەڭەستەر الۋ جانە ىسكەرلىك ورتاعا قوسىلۋ قاجەتتىگى تۋرالى ۇسىنىستار بەرىلەدى. فورۋم كاسىپكەرلىك سالاسىنداعى جاڭا قادامداردى كورسەتۋگە باعىتتالعان.
