“Адырнаның” ютуб арнасында жаңа сұхбат жарияланды. Студияның кезекті қонағы елге белгілі экономист, сарапшы - Мақсат Халық.
Экономист елдегі кәсіпкерліктің дамуы, экономикалық жағдайы туралы айтты. Соңғы өткен форум туралы әңгемелесті. Бұл форумда 400-ге жуық кәсіпкер бас қосып, дамуға, инновацияға және серіктестікке бағытталған мәселелерді талқылады. Іс-шара үш негізгі бағытта өтті: дамуға арналған идеялар, жаңа технологияларды енгізу оларды қалай қолдану тәсілдері және мотивацияға негізделген серіктестік мүмкіндіктері. Форумның басты жаңалығы – Sana бизнес академиясының құрылуы. Академия болашақта ресми лицензия алуға ниеттенуде және қазақ тілінде сапалы бизнес-контент ұсынуға бағытталған. Бейнежазбада кәсіпкерлердің дамуға қатысты кеңестері мен тәжірибелерімен бөлісуіне мүмкіндік берілген. Жас кәсіпкерлерге іздену, бизнеске қатысты дұрыс кеңестер алу және іскерлік ортаға қосылу қажеттігі туралы ұсыныстар беріледі. Форум кәсіпкерлік саласындағы жаңа қадамдарды көрсетуге бағытталған.
