سەمەيدە ايماقتاعى بۇقارالىق جانە كاسىبي فۋتبولدى دامىتۋدىڭ ماڭىزدى نىسانىنا اينالاتىن جابىق فۋتبول مانەجىنىڭ تانىستىرىلىمى ءوتتى. جاڭا كەشەن قالا مەن وبلىسىمىزدىڭ مىڭداعان بالاسىنا اۋا رايىنا قاراماستان جىل بويى فۋتبول ويناۋعا مۇمكىندىك بەرەدى.
سالتاناتتى شاراعا اباي وبلسىنىڭ اكىمى نۇرلان ۇرانحاەۆ، Freedom Holding Corp باسشىسى تيمۋر تۋرلوۆ، «ەلىماي» فك باس باپكەرى اندرەي كارپوۆيچ، وتاندىق تانىمال فۋتبولشىلار، قوعام بەلسەندىلەرى، باق وكىلدەرى جانە قالا تۇرعىندارى قاتىستى.
كەشەننىڭ قۇرىلىسى اباي وبلىسى اكىمدىگى مەن Freedom Holding Corp كومپانياسى اراسىندا قول قويىلعان مەموراندۋم اياسىندا جۇرگىزىلۋدە. وسى كەلىسىم اياسىندا سپورتتى دامىتۋ ءۇشىن جاعداي جاساۋعا، ونىڭ ىشىندە جاتتىعۋ، جارىستار مەن بۇقارالىق ءىس-شارالار وتكىزۋگە ارنالعان اشىق فۋتبول الاڭىن سالۋعا ەرەكشە كوڭىل بولىنگەن.
شارادا Freedom Holding Corp باسشىسى تيمۋر تۋرلوۆ كەشەننىڭ بالالار ءۇشىن فۋتبول الەمىندەگى ۇلكەن مۇمكىندىك ەكەنىن اتاپ ءوتتى.
«ءبىزدىڭ بالالاردا ەۋروپالىق ۇزدىك كلۋبتارداعىداي جاتتىعۋ مۇمكىندىكتەرى بولۋى كەرەك. بۇل كەشەن دايىندىق دەڭگەيىنە نەمەسە الەۋمەتتىك جاعدايىنا قاراماستان ءاربىر بالا ءوزىن ۇلكەن سپورتتىڭ ءبىر بولىگى رەتىندە سەزىنۋى ءۇشىن جاسالعان. بالالار ءبىزدىڭ بولاشاعىمىز. ال ولاردىڭ كەلەشەگى جارقىن بولۋى ءبىزدىڭ قولىمىزدا. بۇل كەشەن ولاردىڭ سپورتشى رەتىندە قالىپتاساتىن، ءبىلىم الاتىن، جەڭىسكە جەتەلەيتىن ارماندارىن جۇزەگە اسىراتىن ورىن بولادى»، - دەدى تيمۋر تۋرلوۆ.
مانەجدىڭ اكىمشىلىك بولىگىندە ءتورت كيىم اۋىستىراتىن، جۋىناتىن، اسحانا جانە اتا-انالارعا ارنالعان ارنايى بولمە بولادى. كەشەندى سەرتيفيكاتتاۋ جوسپارلانىپ وتىرعانىن ايتا كەتكەن ءجون. بۇل جوعارى توپتاعى فۋتبولشى بالالاردىڭ الاڭدا رەسمي ماتچتاردى وتكىزۋگە مۇمكىندىك بەرەدى. فۋتبول الاڭدارىنىڭ ولشەمدەرى ۋەفا مەن فيفا ستاندارتتارىنا سايكەس كەلەتىن 105-تەن 66 مەترگە جانە 105-تەن 68 مەترگە دەيىن الىپ جاتىر. 2024 جىلدىڭ سوڭىنا دەيىن جابىق مانەجدى پايدالانۋعا بەرۋ جوسپارلانۋدا.
ايتا كەتۋ كەرەك، نىساننىڭ باس مەردىگەرى – «Shanyrak.KZT» جشس.
