باتىس قازاقستان وبلىسىنىڭ پوليتسيا باستىعى ورىنباسارىنىڭ ۇلى ەسىرتكى ساتقانى ءۇشىن 10 جىلعا باس بوستاندىعىنان ايىرىلدى، دەپ حابارلايدى "ادىرنا" ۇلتتىق پورتالى.
پوليتسيا باستىعىنىڭ ۇلىن القابيلەر اقتاپ شىققان. ءىس 2024 جىلعى 21 قازاندا ماڭعىستاۋ وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا القابيلەردىڭ قاتىسۋىمەن قايتادان قارالىپ، سوت وتىرىسى ءوتتى. قىلمىستىق قۇقىق بۇزۋشىلىق «ەسىرتكى، پسيحوتروپتىق زاتتاردى، سول تەكتەستەردى وتكىزۋ ماقساتىندا زاڭسىز دايىنداۋ، قايتا وڭدەۋ، يەمدەنۋ، ساقتاۋ، تاسىمالداۋ، جونەلتۋ نە وتكىزۋ» بويىنشا سارالاندى.
