تاراز قالاسىنىڭ اكىمى باقىتجان ورىنبەكوۆتىڭ توراعالىعىمەن وتكەن كەزەكتى اپپاراتتىق كەڭەستە وبلىس ورتالىعى تۇرعىندارى مەن اكىمدىك اراسىنداعى كەرى بايلانىس باعىتىنداعى جۇمىستار بارىسى قارالدى.
اتالعان ماسەلە بويىنشا ءسوز العان قالالىق مەديا ورتالىق ديرەكتورى بالنۇر بەكتۇرعانوۆا اكىمدىكتىڭ الەۋمەتتىك جەلىلەردەگى پاراقشالارىنداعى جاريالانىمدار مەن تارازدىقتار تاراپىنان ءتۇسىپ جاتقان ارىز-شاعىمدارعا جاۋاپ بەرۋ جايىن تىلگە تيەك ەتتى.
–جىل باسىنان بەرى اكىمدىكتىڭ الەۋمەتتىك جەلىلەرىندە 1 091 پوست، 277 بەينەروليك، 633 باننەر جارىق كوردى. قاڭتار ايىنان باستاپ اكىمدىكتىڭ رەسمي پاراقشاسىن بەلگىلەۋ ارقىلى جالپى سانى 1 253 پوست جاريالاندى. سونىمەن قاتار «Ikomek-109» پلاتفورماسى ارقىلى 5 188 ءوتىنىم تۇسكەن. تۇرعىنداردان ءتۇسىپ جاتقان ساۋالداردىڭ باسىم كوپشىلىگى شاھاردىڭ كوممۋنالدىق قىزمەتتەرىنە قاتىستى بولىپ وتىر. ورتالىق قىزمەتكەرلەرى بارلىق ارىز-شاعىمعا دەر كەزىندە جاۋاپ بەرىپ كەلەدى، – دەگەن بالنۇر بەكتۇرعانقىزى اكىمدىككە قاراستى بولىمدەردىڭ الەۋمەتتىك جەلىلەردەگى بەلسەندىلىگىنە تالداۋ جاساپ، تۇرعىندارمەن كەرى بايلانىس ورناتۋ جۇمىستارى جالعاسىن تاباتىنىن جەتكىزدى.
بايانداماشىنى مۇقيات تىڭداپ شىققان باقىتجان امىربەكۇلى اتالعان باعىتتاعى اتقارىلاتىن جۇمىستاردى جوسپارلى، جۇيەلى جۇرگىزۋ قاجەت ەكەنىن ايتىپ، ناقتى تاپسىرمالارىن بەردى.
كەڭەس بارىسىندا بيۋدجەتتىڭ بولجامدى ورىندالۋى، «استانا كۇنى» مەرەكەسىنە دايىندىق جۇمىستارى، بالالاردىڭ جازعى دەمالىسىن ۇيىمداستىرۋ جانە ءبىلىم مەكەمەلەرىندەگى جوندەۋ جۇمىستارى، وبلىس ورتالىعىنداعى جول جوندەۋ جۇمىستارىنىڭ بارىسى جانە وزگە دە ماسەلەلەر قارالدى.
قالا اكىمى كۇن تارتىبىندەگى ماسەلەلەر بويىنشا بايانداماشىلاردى تىڭداپ، سىن-ەسكەرتپەلەرىن ايتىپ، جۇمىستى جۇيەلەۋدى تاپسىردى.
باسقوسۋ سوڭىندا باقىتجان ورىنبەكوۆ جاۋاپتى ماماندارعا قالاداعى تازالىقتىڭ قاتاڭ ساقتالۋىن نازاردا ۇستاۋ، تۇرمىستىق قاتتى قالدىقتار مەن قوقىستى ۋاقىتىلى جينالىپ، شىعارىلۋىن قامتاماسىز ەتۋ، جىلۋ جانە كارىز جۇيەلەرى ليۋكتارىنىڭ قاقپاقتارىن ۇرلاۋ دەرەكتەرىن ازايتۋ، ولاردىڭ اشىق قالماۋىن نازاردا ۇستاۋ سەكىلدى ماڭىزدى ماسەلەلەر بويىنشا جۇمىستاردى جوسپارلى ورىنداۋدى جاۋاپتىلارعا جۇكتەدى.
